Diablo Immortal fiton mbi 24 milionë dollarë për 2 javë

Mikrotransaksionet e Diablo Imortal shkaktuan një reagim brutal, loot boxes e penguan atë të lançohej në Belgjikë dhe Holandë dhe kritikat për këtë spin-off free-to-play ngritën mjaft shqetësim për lojën e radhës Diablo që Blizzard duhej të premtonte. Diablo 4 nuk do të fitojë para në të njëjtën mënyrë.

Asnjë nga këto duket se nuk e ka penguar Diablo Immortal të grumbullojë para. Siç u vu re nga GameDev Reports, Diablo Immortal fitoi 24.3 milionë dollarë në dy javët e para dhe u shkarkua mbi tetë milionë herë sipas të dhënave me burim nga Appmagic. Dhe kjo nuk po llogarit as versionin e PC, i cili aktualisht është në beta.

Për hir të krahasimit, fituesi tjetër i madh i Blizzard në mobile është Hearthstone, i cili solli pak më shumë se 5 milionë dollarë në muajin e fundit.

Në review tonë Elvis ka shkruar: “Fatkeqësisht, është e lehtë të ngecesh shpejt prapa nëse mikrotransaksionet nuk përdoren për të marrë currency dhe resurse në Diablo Immortal që përndryshe janë të vështira ose të pamundura për t’u mbledhur në free-to-play. Është e mundur ta luash lojën plotësisht falas, por disa mund ta kenë të vështirë të përmirësojnë karakteret e tyre pa paguar për resurse ose pajisje më të mira dhe të vlefshme.”