Capcom ka njoftuar se loja origjinale e Devil May Cry do të vijë në Nintendo Switch këtë verë. Lajmi erdhi përmes faqes zyrtare të Devil May Cry nën shkrimin:
“Rijetoni aventurën që prezantoi Danten me botën origjinale të Devil May Cry, në Nintendo Switch këtë verë.”
Krahas këtij njoftimi Capcom gjithashtu lançoi faqen web-it për versionin Switch të lojës. Sipas Capcom, loja do të jetë e disponueshme vetëm në versionin dixhital, pasi kompania nuk ka plane për të sjellë një version fizik të saj.
Relive the adventure that introduced the legendary Dante to the world with the original Devil May Cry, coming to #NintendoSwitch this Summer. pic.twitter.com/Hh8hFDnLQK
— Devil May Cry 5 (@DevilMayCry) May 6, 2019
Në këtë pikë ende nuk e dimë se cili version i lojës do të vijë në Switch, sado që në njoftim mund të shohim posterin e versionit origjinal të saj. Gjithsesi kurrë nuk i dihet.
Krijuesit e lojës kanë shprehur në disa intervista se kanë dashur gjithmonë ta luajnë Devil May Cry në Switch. Si duket Dëshira e tyre më në fund po bëhet realitet.