Detaje të reja vijnë për Blue Reflection: Second Light

Blue Reflection: Second Light është loja më e fundit që pritet të vijë nga Koei Tecmo e cila së fundmi ka sjellë disa informacione dhe detaje rreth kësaj loje.

Sipas informacioneve që kemi, dimë që Blue Reflection: Second Light ndjek aventurat e tre studentëve Ao Hoshizaki, Kokoro Utsubo dhe Yuki Kinjou të cilat e gjejnë veten në akademi misterioze dhe të cilat po mundohen të kthehen në botën e tyre me emrat e tyre si kujtimet e vetme që kanë.

Gjatë një ditë, një hapësirë e re shfaqet para tyre të cilën e quajnë Heartscape. Brenda Heartscape karakteret do të gjejnë ingredientë të ndryshëm për gatim, ndërtim dhe dyluftim. Gjithashtu do të gjeni pjesë të ndryshme të memorieve tuaja të cilët duhet t’i mblidhni për të zbuluar historinë e personazheve.

Në Heartland përveç të mirave do të gjeni edhe përbindësha të rrezikshëm të cilët duhet t’i luftoni duke përdorur “power of rings” të cilat do t’iu pajisin me armë, ndryshojnë pamjen dhe më shumë gjatë përballjeve tuaja. Gjatë përballjeve tuaja do të keni një sistem interesant combat.

Aventurave tuaja do t’iu bashkohen edhe dy karaktere të rinj të cilët janë Hiori Hirahara dhe Shiho Kasuga të cilat gjithashtu kanë humbur memorien e tyre. Teksa bashkëpunoni së bashku ju do të mësoni dhe rikujtoni shumë gjëra në këtë botë të re të çuditshme.

Blue Reflection: Second Light do të vijë në Japoni më 21 tetor dhe në të gjithë botën më 9 nëntor. Dhe nëse jeni të interesuar për të blerë versionin limited edition, klikoni këtu.