Dead by Daylight është një lojë goxha popullore horror survival e cila do të jetë falas këtë fundjavë në të gjitha platformat dhe do të vijë me goxha ulje të mëdha.
Zhvilluesi i lojës, Behaviour Interactive, njoftoi se gjatë kësaj fundjave loja e saj Dead by Daylight do të jetë falas për t’iu luajtur në të gjitha platformat si Steam, Stadia, Xbox, Switch dhe PlayStation. Gjithashtu bashkë me lojën që do të jetë falas, zhvilluesi i lojës ka njoftuar se edhe disa nga DLC e lojës do të jenë në ulje.
Për të gjithë ju që nuk e dini, Dead by Daylight ëshë një lojë multiplayer online survival horror e lançuar për platformat PC, mobile, PlayStation 4, Xbox One, Xbox Series X|S, Nintendo Switch, Stadia PlayStation 5 dhe PlayStation 4.
Ju mund të luani deri në 5 persona ku një prej jush do të luaj rolin e vrasësit i cili duhet të eliminoj lojtarët e tjerë. Kurse lojtarët e tjerë duhet të fshihen nga vrasësi, të rregullojnë pesë gjeneratorët dhe të hapin rrugën për të shpëtuar nga vrasësi.
Dead by Deadlight do të jetë falas gjatë kësaj fundjave kurse uljet e DLC do të zgjasin më shumë.