COD Mobile prezanton hartën dhe eventet e reja për Season 2

Sezoni i dytë i Call of Duty: Mobile do të fillojë këtë javë. Quhet ‘Day of Reckoning’ dhe do të prezantojë harta, armë, modalitete dhe akoma më shumë në lojën mobile.

Activision ka zbuluar dy harta të reja për sezonin e ardhshëm: Shipment e Modern Warfare dhe Shoot House. Të dyja këto do të mbërrijnë në sezonin 2.

Kompania gjithashtu kishte bërë tease dy armë të reja për sezonin e dytë. Këto armë ka të ngjarë të jenë AS VAL assault rifle dhe SP-R 208 rifle. AS VAL do të jetë në dispozicion në battle pass-in e sezonit të dytë, ndërsa SP-R 208 do të dalë në fund të sezonit në një seasonal challenge.

Kohët e fundit, Activision kishte treguar se ishte duke shtuar voiceovers në Call of Duty: Mobile. I pari prej tyre do të mbërrijë në Days of Reckoning. Ghost i Modern Warfare, i cili luhet nga Jeff Leach, po vjen në CODM.

Activision po sjell gjithashtu shumë content të ri për lojtarët e Battle Royale në sezonin 2, duke përfshirë një modalitet të ri, automjet dhe class. Në modalitetin e ri Tank Battle, lojtarët duhet të mbledhin tanket përmes vending machines. Spotter është class e re e battle royale, ndërsa Cargo Truck do të jetë automjeti i ri.

Sezoni i dytë i Call of Duty: Mobile pritet të fillojë më 10 Mars në orën 23:00, ndërsa update-i për sezonin e dytë duhet të mbërrijë më 9 Mars.

Sezoni i ri do të shënojë gjithashtu fillimin e serisë së nëntë të rankimit. Ranket e lojtarëve do të bëhen reset me shpërblime të reja të rankimit që do të vijnë në lojë.