Çfarë është Diablo Immortal dhe kur do të lançohet

Para disa kohësh Blizzard zbuloi lojën e tyre mobile të Diablo e cila do të vinte së shpejti. Por çfarë është Diablo Immortal dhe kur pritet që të lançohet?

E vendosur në kohën midis ngjarjeve të Diablo II dhe Diablo III, Diablo Immortal sjell një eksperiencë të re për lojtarët të cilët duan ta provojnë lojën në pajisjet mobile. Loja do të zhvillohet nga Blizzard dhe NetEase dhe lojtarët mezi po e presin.

Diablo Immortal do të jetë falas/free-to-play për të gjithë lojtarët dhe do të lançohet më 2 qershor 2022 kudo në botë. Lojtarët do të kenë mundësinë të luajnë Diablo Immortal në platformat mobile iOS, Android dhe në launcher në PC Battle.net. Gjithashtu ka mundësi që loja të vijë edhe në Nintendo Switch.

Më poshtë do të gjeni trailer rreth gameplay dhe historisë së lojës.