Sot, Ubisoft njoftoi roadmap për Year 8 dhe të gjitha ndryshimet që do të vijnë në Rainbow Six Siege këtë vit. Kjo vjen një ditë pasi ata njoftuan të gjitha detajet rreth Y8S1, Operation Commanding Force.
Një gadget i ri në defend
Pajisja e re, e cila do të prezantohet diku në Y8S3, do të funksionojë si një “bllokues vëzhgimi” që projekton në mënyrë efektive një ekran të vogël dhe të errët për të bllokuar intel dhe shikimin nëpërmjet drones.
Për shkak se pajisja është vetëm një projeksion elektronik, sulmuesit do të jenë në gjendje t’i lëvizin dronët e tyre përmes tyre – por kjo padyshim do të rrezikojë që droni të shihet dhe të qëllohet.
4 operators të rinj
Viti i tetë i Rainbow Six Siege do të prezantojë katër operatorë të rinj në lojë, duke përfshirë Brava, i cili do t’i bashkohet Rainbow Six Siege me nisjen e Operation Commanding Force. Pas saj do të jetë një operator suedez, një koreano-jugor dhe më pas një operator nga Portugalia.
Hartat
Harta e Consulate do të marri një rework gjatë sezonit të dytë të Year 8 dhe në të cilën priten goxha ndryshime të mëdha. Gjithashtu një hartë e re do të prezantohet në Rainbow Six Siege deri në fund të vitit 8, gjatë sezonit që do të vijë operatori nga Portugalia.
Frost do të bëhet rework
Gjatë Y8S2, një rework i operatorit Frost po vjen në Siege. Kurthet e Frostit do të bëhen rework, pasi lojtarët që kapen nga këto kurthe, do të lejohen të shpëtojnë. Tani për tani, lojtarët që janë bllokuar nga kurthet e Frost duhet të presin që një shok skuadre t’i shpëtojë.
Rework gjithashtu do t’i bëjë sulmuesit të lënë pas shenja gjaku kur lëvizin dhe ata nuk do të munden të vrapojnë.
Gjithashtu shumë ndryshime të tjera janë planifikuar për këtë vit në Rainbow Six Siege ku mund të përmendim ndalimin e MnK në konsole, mekanika të reja për shields, ndryshime në spectating gjatë custom match ose kur i bëni replay, playlist me arcade mode dhe events, Machine Learning Training Playlist dhe më shumë.