Infinity Ward duket se i ka pranuar thashethemet se një njoftim për Call of Duty: Warzone 2 është i pashmangshëm. Vazhdimi i Call of Duty: Warzone thuhet se do të zbulohet sot, më 11 shkurt.
Bloomberg kohët e fundit raportoi se Activision Blizzard aktualisht është duke punuar në tre lojëra Call of Duty, të cilat të gjitha do të vijnë në konsolat Xbox dhe PlayStation. Infinity Ward supozohet se po punon për një vazhdim të Modern Warfare të 2019-ës, Treyarch po zhvillon një lojë të re dhe një vazhdim i Warzone është gjithashtu në punë.
Insideri Tom Henderson e ndoqi këtë raport me njoftime shtesë për Warzone 2, duke postuar në Twitter se “njoftimi për Warzone 2 zbulohet më 11 shkurt”. Ai shkroi në një postim të veçantë në Twitter se Warzone 2 do të vinte me Modern Warfare 2, duke shtuar se ai nuk ishte informuar nëse kjo do të thoshte që të dy lojërat do të lançoheshin në të njëjtën ditë.
Sipas Henderson, Infinity Ward mori gjithashtu mësime nga Warzone origjinale për të informuar ekipin se si të zhvillojë Warzone 2. Në një postim në Twitter, ai thotë se “miqtë e tij zhvillues” thanë se çështjet u krijuan në Warzone origjinale kur Infinity Ward u përpoq të integronte Black Ops Cold War.
Më 3 shkurt, Infinity Ward postoi në Twitter se një “gjeneratë e re e Call of Duty” do të vinte së shpejti, duke nënkuptuar që një njoftim i papritur do të dilte. Pas leaks të Henderson, zhvilluesi postoi në Twitter një mesazh shumë të ndryshëm që duket se nënkupton që surpriza mund të jetë prishur.