Call of Duty: Modern Warfare rikthen “fshehurazi” një hartë të preferuar nga fansat

Call of Duty: Modern Warfare është përditësuar me tre harta të reja, duke përfshirë një “throwback” nga loja origjinale dhe aq popullore Call of Duty Modern Warfare e vitit 2007. Por ky lajm nuk është publikuar në asnjë rrjet social të Activison.

Për momentin Activision janë të fokusuar tërësisht tek lojërat e fundit të publikuara prej tyre, Black Ops – Cold War dhe Warzone. Por një update për këto lojëra në mes të sezonit ka kthyer dhe në Modern Warfare 2019 një hartë klasike dhe të njohur për multiplayer, hartën Killshot.

Update i fundit gjithashtu prezanton dy harta të reja për 6v6,  Al-Raab Airbase dhe Gunfight arena Drainage. Megjithëse për momentin të dyja këto harta janë të disponueshme vetëm për “private match”.

Duhet theksuar se as Activision apo Infinity Ward nuk kanë shkruar asgjë rreth këtyre përditësimeve. Sezoni i 6 i Modern Warfare përfundoi Dhjetorin e kaluar. Dhe që atëherë duket se Activion sikur e ka “harruar” si lojë. Madje duke e zëvendësuar në listen e Battle.net me Call of Duty Warzone.