Britaniku i arratisur kapet nga policia pasi shkoi për të blerë Call of Duty

Britaniku i kërkuar Clint Butler, kreu një gafë të tmerrshme me pasojë rikthimin e tij në burgun e Birmingham-it pasi ngriti dyshime në publik duke marrë përsipër një aventurë qesharake, thjesht për të blerë Call of Duty: Black Ops Cold War.

Njerëzit zakonisht thonë që “Call of Duty është dashuri” por askujt nuk do ti shkonte më shumë përshtat kjo shprehje sa vetë Client Butler, i cili rrezikoi jeten e tij si një i arratisur në botën e lirë që jetojmë, duke u munduar të ketë një kopje te Black Ops Cold War. Së pari, le të qartësojmë një rezyme të shkurtër përsa i përket skedarit të tij si i arratisur.

Butler u arratis nga burgu i sigurisë, HMP Spring Hill në Buckinghamshire duke mbetur një njeri i lirë, megjithëse i kërkuar deri në arrestimin e tij në vitin 2021. Britaniku, i cili ka shërbyer 17 vite dënim për grabitje dhe mbajtje arme zjarri, si duket, u mërzit duke qëndruar në shtëpinë ku ishte arratisur nga burgu Spring Hill.

Kështu, ai dhe miku i tij, vendosën të blinin një kopje të CoD në qytetin e Birmingham, Angli. Pasi ishin vënë re që ndryshuan drejtimin e tyre nga dy oficerë të policisë, dyshja u spikat duke u bërë subjekt për tu marrë në pyetje. Fillimisht, 36 vjeçarit britanik iu kërkua se përse ai dhe miku i tij ishin jashtë pavarësisht kufizimeve strikte të pandemisë. Përgjigja e tij ishte brilante dhe do të bënte krenar çdo fans të lojërave FPS: “Erdha të marr Call of Duty sepse s’mund të rrij duarkryq gjatë lockdown-it.”

Gjatë një harku kohor të shkurtër, pasi Butler sulmoi oficerët, ai u kap dhe përfundimisht u akuzua për një sërë akuzash shtesë si pasojë e arratisjes dhe sulmit.

Së fundmi, dënimi i tij i mëparshëm që supozohej të përfundonte në 2024, iu shtua si pasojë e akuzave shtesë. Autoritetet komunikuan se britaniku do të vuajë 13 muaj për krimin e arratisjes dhe gjashtë muaj të tjerë për mësymjen ndaj policisë.