Bethesda shtyn Redfall dhe Starfield për në 2023

Starfield është një nga lojërat më të shumëpritura të Bethesda bashkë me Redfall e cila u zbulua vitin e kaluar. Dhe një lajm i keq ka ardhur për fansat e këtyre lojërave pasi Bethesda ka njoftuar se lançimi i këtyre dy lojërave do të vonohet.

Njoftimi vjen nga llogaria zyrtare në Twitter e Bethesda e cila ka njoftuar vonesën e këtyre dy lojërave. Në këtë njoftim Bethesda ka njoftuar se dy lojërat e saj, Redfall nga Arkane Austin dhe Starfield nga Bethesda Game Studios do të vijnë gjatë vitit 2023, ndryshe nga plani origjinal i cili ishte për vitin 2022.

Kjo vjen për arsye se studiot zhvilluese të lojës dëshirojnë që të sjellin një eksperiencë sa më të mirë për këto lojëra dhe iu duhet më shumë kohë për të sjellë një lojë të cilët fansat kanë për ta shijuar dhe pëlqyer.

Redfall dhe Starfield janë planifikuar tashmë që të vijnë më 2023 gjatë gjysmës së parë të vitit.