Sekiro dhe Total War: Three Kingdoms kryesojnë pothuajse çdo tabelë.
Sekiro dhe Total War: Three Kingdoms kryesojnë pothuajse çdo tabelë.
Steam ka publikuar listat zyrtare të ‘Best of 2019’, duke treguar lojërat që kanë shitur më shumë, lëshimet e reja, lojërat VR dhe lançimet e hershme, së bashku me lojërat që përballojnë më shumë lojtarët më të njëkohsishëm. Ndarë në kategoritë Platinum, Gold, Silver dhe Bronze, listat përmbajnë disa surpriza dhe disa lojëra solide që ruajnë pushtetin e tyre në krye të listave. Warframe, CS: GO dhe Dota 2, për shembull, janë lojëra falas që gjithsesi qëndrojnë në nivelin Platinum të kategorisë Top Sellers. Destiny 2 është gjithashtu në lojërat e shitura më shumë, pavarësisht se është në Steam vetëm për të tretin vit rradhazi.
Titani strategjik, Total War: Three Kingdoms, gjithashtu ka bërë goxha përfitime këtë vit, duke qenë pjesë e nivelit më të lartë tek Top Sellers, Top New Releases dhe Most Played Games. Sekiro: Shadows Die Twice, në mënyrë të parashikueshme, bën të njëjtën gjë. Disa mund të jenë të befasuar kur shohin Halo: Master Chief Collection në nivelet më të larta të Most Played, por disponueshmëria e saj në Xbox Game Pass nuk ka bërë asgjë për të ulur entuziazmin e lojtarëve të Steam për ta marrë dhe luajtur atë. Disa lançime të profileve të larta të Early Access ranë në sy gjatë këtij viti, me Oxygen Not Included, Astroneer, Slay the Spire, dhe Space Engineers ndër të tjera. Kategoria VR vazhdon të performojë keq, Beat Saber mënjanë, shumë të tjera na kanë lënë disi të zhgënjyer nga performanca e tyre.
Mund të shihni Steam Best of 2019 pikërisht këtu. Do të jetë interesante të shihni se si krahasohen këto tabela me Steam Awards kur ato të lajmërohen për fansat.