Before Your Eyes është një lojë që do ta kontrolloni me sytë tuaj

Së pari, kini parasysh se do t’ju duhet një webcam që ta luani këtë lojë. Zhvilluesi i pavarur i lojërave GoodbyeWorld Games, së bashku me Skybound Games njoftuan daljen e Before Your Eyes, një lojë aventurë-narrative e lidhur drejtpërdrejtë me pulitje (hapjet dhe mbylljet e qepallave të syve) e botës reale.

Loja tregon një histori ku lojtarët do të reflektojnë dhe rijetojnë momente të lumtura, të bukura dhe pikëlluese të një jete të jetuar dikur. Ju do të filloni udhëtimin me Ferryman i cili ka për detyrë të sjellë shpirtra në jetën e përtejme. Progresi juaj ecën përpara duke përdorur shkeljen e syve tuaj, për të bashkëvepruar përmes historisë. Siç e dëgjuat, duke pulitur sytë tuaj realë!

Progresi përcaktohet përmes syve tuaj që detektohet përmes webcam-it tuaj. Çdo kapsitje e syve, do t’ju ndihmojë të ndërveproni me botën ose ta bëni kujtesën të zbehet dhe të zhduket. Ju lëvizni organikisht përmes historisë dhe përjetoni emocionet e saj derisa të arrini në fund të udhëtimit për të “mësuar të vërtetën përfundimtare”.

“Ne kemi qenë duke punuar mbi këtë lojë që në kolegj, për pjesën më të madhe të dekadës. Kështu që është me të vërtetë përkufizimi dhe finalizimi i një pune përplotë me dashuri”, tha Oliver Lewin, drejtori dhe gjithashtu kompozitori i lojës Before Your Eyes.

“Ne, me të vërtetë mezi po presim që ta lançojmë lojën pranë lojtarëve, kështu që ata më në fund mund të provojnë këtë mënyrë krejtësisht të re të përdorimit të teknologjisë për të treguar përjetime njerëzore“, shtoi Graham Parkes, shkrimtar dhe drejtori krijues. Me të vërtetë është diçka që duhet ta përjetoni sa më parë!”

Loja do të lançohet në datën 8 Prill 2021 në PC, në platformën e Steam.