Battlefield është nga ato lojëra që është e vështire të mos e provoni nëse jeni lojtarë FPS. DICE i ka dërguar kësaj rradhe fansat në vitin 2042, duke i vendosur në një atmosferë futuristike dhe katastrofa natyrore. Ishte pritur me padurim diçka ndryshe nga luftërat historike që jemi mësuar të shohim nga Battlefield, por kësaj radhe… Ka diçka që nuk shkon.
Battlefield 2042 nisi me një entuziazëm të madh, e sidomos nga fansat besnik të lojës të cilët kishin shpresa të krenoheshin dhe ti mbyllnin gojën konkurrentëve të vjetër të tyre të Call of Duty. Megjithatë, këtyre fansave ju dukej vetja sikur kishin nevojnën e një intel gen 12 dhe një 3090 që framerate te mos zbriste nga 60 FPS. Loja u lançua me një optimizim pothuajse inekzistent, dhe ky problem shfaqej edhe në beta. Madje ata kërkuan edhe një muaj kohë duke e shtyrë lojën të lançohej në nëntor, por ky muaj mesa duket nuk mjaftoi. Gjithsesi një update madhor doli më 2 Dhjetor i cili shpëtoi të gjithë ata që po shikonin të blinin pjesë të reja. Update erdhi vonë, por të paktën po e luajmë.
Me tregun e First-Person-Shooter që është përçarë më shumë se kurrë më parë, DICE ka përdorur një dizajn të gjerë multiplayer. Për lojtarët e PC, PS5 dhe Xbox Series X, numri i lojtarëve është dyfishuar nga 64 në 128 dhe hartat janë ndërtuar në një shkallë vërtet të madhe. Pika kryesore ku duam të ndalemi janë operatorët. Nuk ka më klasa standarde por fuqi operatorësh. Ju mund të zgjidni një nga 10 operatorët ku secili ka aftësitë e tyre speciale si për shembull një shiringë për health regen, kostum fluturimi, grappling hook, si dhe ndonjë dron vëzhgues. Më pas loadouts mund ti personalizoni si të doni. Të gjithë pa përjashtim mund të përdorin mjete nga Medic, Assault, Recon dhe Engineer, gjë e cila e bën battlefield të dali pak nga tradita.
Battlefield 2042 përmban tre përvoja të ndryshme multiplayer: All-Out Warfare, Hazard Zone dhe Portal. Breakthrough është vendi ku Battlefield 2042 shkëlqen më shumë. Njëra palë caktohet si forca sulmuese dhe tjetra si mbrojtëse, me vijën e parë të luftimit që zhvendoset para dhe mbrapa në varësi të strategjisë që zgjedhin skuadrat. Sulmuesit duhet të shtyjnë për të marrë sektorët përpara se ti mbarojë numri i respawns. Është një game mode klasik i battlefield, por me këto harta aq masive, dhe me një numër lojtarësh prej 128 veta është shumë vështirë të sinkronizosh strategjinë.
Nga ana tjetër kemi Conquest, një tjetër stil loje e cila na ka mbajtur me orë të tëra të fiksuar duke gjëmuar zonat që herë mbizotëroheshin nga skuadrat aleate dhe herë nga kundërshtarët. Rregulli i vetëm që duhet të keni parasysh është të mos vdisni shpesh. Secila nga 2 palët sulmuese ka nga 1600 respawn, por më besoni… mbarojnë shumë shpejt. Zaptoni të gjitha sektorët e hartës, ose vrisni kundërshtarët deri sa ti mbarojnë respawns.
Hazard Zone është një modalitet survival me 32 lojtarë, squad based, i cili vendos tetë ekipe me nga katër kundër njëri-tjetrit, dhe bandat e ushtarëve të AI, për të kapur dhe nxjerrë të dhënat e disqeve. Ritmi është shumë i ngadaltë, me aksione që ndodhin në hartat e All-Out Warfare që janë shumë të mëdha për të mbështetur këto luftime në shkallë më të vogël. Në këtë modalitet ju do të ecni qindra metra deri sa të arrini në sektorin e misionit tuaj dhe në qoftë se vdisni, jeni të detyruar të bëni spectate shokët deri sa të mbarojë raundi. Na vjen keq Battlefield, por nuk të shkon aspak stili Tom Clancy’s. Të pakën deri sa të rregullohet pjesa e hartave super të mëdha, objektivave dhe ekonomisë, është e vështirë të shkelësh këmbën në këtë modalitet pa një skuadër të ngushtë rreth jush.
Dhe pastaj është Battlefield Portal, një nga pjesët më të mira të të gjithë 2042. Është një grup i fuqishëm editorial që do t’ju lejojë të personalizoni përvojat tuaja në Battlefield dhe t’i ndani ato me komunitetin më të gjerë. Duke ju lejuar të modifikoni hartat, armët dhe klasat e Battlefield 1942, Battlefield 3 dhe Bad Company 2, të gjitha të mbështetura nga teknologjia e 2042, ndihet si një mënyrë fantastike për të festuar 20 vjetorin e serisë.
Editoriali i bazuar në web është i fuqishëm, duke lejuar një nuancë të habitshme. Ju mund të përzieni elementë nga të gjitha lojërat së bashku ose të krijoni në mënyrë efektive remaster të gjeneratës së re të hartave dhe modaliteteve tuaja të preferuara nga e kaluara e Battlefield. Është fantastike që teknologjia e Battlefield 2042 të përdoret për t’i dhënë jetë të re të kaluarës së serisë si kjo. Ju gjithashtu mund të hyni në servera të krijuar nga të tjerë. Si përshembull ky server i stilit arcade i cili është shumë i veçantë pasi ju lejon të mjeshtëroni aftësitë tuaja me Wingsuit, por gjithashtu ju mban të fokusuar ti kaloni të gjitha nivelet. Portali është një modalitet që komuniteti në përgjithësi do të shpenzojë një kohë shumë të gjatë për t’ia nxjerrë fundin.
Në aspektin e gameplay, Battlefield ka patur gjithmonë mekanika realiste. Jemi kënaqur pa masë me raketa që ndiqnin helikopterët. Pavarësisht se ata ishin të pajisur me flares, mjafton të llogarisje kohën e duhur dhe bum, squad wipe. Goditjet me sniper nga ana tjetër e hartës janë klasikë të Battlefield. Sigurisht, është acaruese kur të vrasin në këtë mënyrë, por nga ana tjetër kënaqesh shumë kur kap goditje të tilla. Mungesa e një opsioni për sprint automatik na e ul pak përtacërinë për të shtypur dy herë L3 në konsola por nuk është ndonjë problem i madh në pc. Shumë lloje armësh janë vendosur dhe veçoria e re e modifikimit të tyre në lojë është fantastike. Mund të vendosni tre attachments të ndryshme që mund ti përdorni gjatë lojës në çdo rrethanë.
Audio nga ana tjetër na la pak për të dëshiruar. Muzika e lojës në lobby ashtu edhe në gameplay nuk ishte aq e goditur, por të paktën ishin munduar të krijonin diçka futuristike bashkuar me luftë. Audio effects ishin goxha mirë, megjithatë pati disa raste kur dëgjonim zhurmën e një helikopteri sikur e kishim mbrapa qafe por kur kthen kokën ishte gati një sektor më tutje. Ah për pak harruam… “nuk ka voice chat në lojë”. Epo të paktën kemi disa sekonda cooldown kur vdesim që të shkruajmë në chat, ose të përdorim shortcuts duke mbajtur butonin e ping shtypur.
Battlefield 2042 përpiqet të bëjë shumë, por vetëm për disa nga eksperimentet e tij ia vlen të kënaqeni. All-Out Warfare, Hazard Zone dhe Portal janë një playlist e pranueshme, por nuk mjafton për të justifikuar mungesën e një Campaign-i. Aftësitë e specializuara, akordimi i armëve dhe modelet e personalizuara të Portal prezantojnë mënyra të reja për të luajtur Battlefield. Problemet e serverit kanë shkaktuar ndërprerje gjatë nisjes. Gjithashtu audio e lojës nuk ishte aty ku duhej, por në fund të fundit është një Battlefield modern për të cilin fansat kanë pritur gjatë. Për pjesën më të madhe të fansave, kjo lojë ishte e pamundur të luhej në PC, sidomos në këtë kohë ku mungesa e hardwareve bën të vetën. Një update madhor që doli më 2 Dhjetor e lehtësoi goxha eksperiencën duke i falur disa FPS më shumë. Ju mund ta quani pak vonë… Por të paktën doli.