Battlefield 2042 do të bëjë ban cheaters pa asnjë paralajmërim

Battlefield 2042 është disa ditë larg nga open beta e saj e shumëpritur, dhe pak më shumë se një muaj larg nga publikimi i saj i 19 nëntorit. Përpara kësaj, zhvilluesi DICE ka shpërndarë një postim të sinqertë në blog duke shpjeguar se hackers, cheaters dhe budallenjtë e përgjithshëm nuk do të tolerohen në lojë dhe do të trajtohen me shpejtësi.

DICE përshkroi qasjen e saj ndaj toksicitetit dhe mashtrimit në Battlefield 2042, dhe gjithashtu parashtroi masat e saj të gjera kundër mashtrimit dhe politikat e sjelljes së lojtarëve – si dhe mënyrën se si mund të raportoni sjellje të keqe nëse/kur e vini re. Në mënyrë thelbësore, ju do të jeni në gjendje të raportoni lojtarët për sjelljet e mëposhtme: Biseda abuzive përmes tekstit ose zërit, cheating ose exploit i lojës, sabotimi, emrat ofendues të lojtarëve ose ngacmimi.

“Sigurimi i Fair Play për këdo që futet në Battlefield është diçka që ne e marrim seriozisht në DICE,” shkroi zhvilluesi i saj. “Me pak fjalë, kjo do të thotë që ne nuk tolerojmë mashtrimin dhe kemi ekipe të dedikuara për parandalimin, identifikimin dhe sanksionimin e mashtruesve.”

DICE konfirmoi se do të vazhdojë të përdorë Easy-Anti Cheat (EAC), një mjet kundër mashtrimit me një rekord të dëshmuar të identifikimit dhe trajtimit të mashtruesve në lojëra të tjera të EA siç janë Apex Legends dhe Star Wars: Squadrons.

Pasi një mashtrues është zbuluar dhe ndaluar, DICE tha se ata do të ndalohen nga loja në të gjitha platformat. Ne do të zbulojmë në Nëntor sa të suksesshëm janë këto masa të reja të vështira, por këtu shpresojmë që Battlefield 2042 të jetë një zonë relativisht pa cheaters.