Artwork i Vanguard season 1 zbulon armë dhe operatorë të rinj

Një imazh i bërë leak i databazës së PlayStation mund të ketë zbuluar veprën artistike për sezonin e parë të ardhshëm të Call of Duty: Vanguard.

Një llogari Twitter që gjurmon përditësimet në databazën PlayStation zbuloi veprën artistike, së bashku me madhësinë për përditësimin në PS4. Përditësimi i ardhshëm i sezonit të parë do të arrijë rreth 40 GB, sipas databazës.

Vepra artistike përmban tre personazhe të rinj, me gjasë operatorë të rinj të luajtshëm, diku në një ishull të Paqësorit me një avion të rrëzuar në distancë pas tyre. Operatorët shfaqin një vajzë, një burrë me kapuç dhe një burrë të maskuar. Duket se të paktën njëri prej tyre mban një armë të re.

Sezoni i parë u vonua kohët e fundit me një javë dhe tani do të nisë më 8 dhjetor. Në Vanguard, përmbajtja sezonale ka të ngjarë të përfshijë një Battle Pass me 100 nivele, armë dhe harta të reja dhe një përditësim të përvojës së Zombies.

Në Warzone, ndërkohë, sezoni i parë do të përfshijë përditësimin e shumëpritur të Paqësorit, duke shfaqur hartën krejtësisht të re Caldera. Përditësimi ka të ngjarë të përfshijë gjithashtu shtimin e armëve Vanguard në Warzone, kështu që do të ketë shumë për fansat e Battle Royale që të presin me padurim.

Informacioni zyrtar për sezonin e ri me shumë mundësi do të zbulohet javën e ardhshme në formën e një traileri dhe një postimi në blog.