Tashmë që Apex Legends gjendet në Nintendo Switch, Respawn Entertainment dhe Panic Button zbulojnë rezolucionin dhe FPS me të cilën përdoruesit e kësaj platforme do të luajnë.
Versioni i Switch për Apex Legends do të vijë me një zhgënjim të vogël në rezolucion dhe framerate. Apex Legends do të funksionojë në 720p dhe 30FPS kur përdoret në modalitetin TV, por rezolucioni do të ulet deri në 1024 x 576 në modalitetin handheld.
Nëse jeni një lojtar i cili e luan “për qejf” ose nuk i keni problem grafikat e ulta, atëherë nuk besojmë se do të keni probleme. Por lojtarët fatkeqësisht lojtarët kompetitiv të kësaj loje duhet të luajnë në një platformë tjetër nëse duan të luajnë me një rezolucion ose FPS më të lartë.
Pronarët e Nintendo Switch Lite do të jenë në gjendje të luajnë me një rezolucion 576p në modalitetin handheld, pasi dock-u nuk është i disponueshëm.
Gjithashtu përdoruesit e Switch do të kenë qasje në crossplay në mënyrë që të luajnë me lojtarë nga platforma të tjera. Është e mundur të çaktivizoni crossplay në tërësi, por ky veprim ka të ngjarë të ndikojë shumë në kohën e pritjes që do të keni.
Edhe pse do të jetë e mundur të luani Apex Legends në Nintendo Switch duke përdorur joy-cons, EA lançoi një controller të dedikuar për të pasur një përvojë më të mirë të lojës. Karakteristika gyro do të jetë gjithashtu në dispozicion për të ndihmuar lojtarët që synojnë të luajnë këtë lojë battle royale.
Loja me shumë mundësi do të jetë e ngjashme me versionet e saj të tjera, por ndërveprimi me lojën do të rregullohet për t’iu përshtatur më mirë platformës Switch.
Pronarët e Switch do të bashkohen me Apex Games në gjysmë të battle royale gjatë sezonit të tetë, por Respawn u ofron atyre një “shpërblim” për të mos mbetur mbrapa me rewards. Lojtarët do të fitojnë 30 nivele Battle Pass, si dhe XP të dyfishtë për dy javët e para pas lëshimit të lojës dhe një skin ekskluzive Pathfinder për një kohë të kufizuar e cila është e disponueshme deri më 4 maj.