Apex Legends Global Series do të lançohet në janar me tournamentin online Global Series.
Apex Legends Global Series do të lançohet në janar me tournamentin online Global Series.
Electronic Arts do të fillojë një kampionat të ri të esports në fillim të vitit të ardhshëm të quajtur Apex Legends Global Series në të cilin lojtarë nga e gjithë bota do të garojnë për një ‘prize pool’ prej më shumë se 3 milion dollarësh. Konkurrenca do të jetë e hapur për të gjithë lojtarët që plotësojnë kërkesat e pjesëmarrjes, me turnet online që gjithnjë e më shumë kanë tendencën drejt live-it, Challenger Events rajonale dhe Premier Events globale, dhe tani si përfundim, Apex Legends Major Global Series.
Do të ketë katër ‘Majors’ të mbajtura gjatë gjithë vitit: Tre të parët do të vendosin 100 skuadra me tre lojtarë kundër njëri-tjetrit për një ‘prize pool’ prej $500,000 për çdo event, ndërsa e katërta do të paraqesë 60 skuadrat më të mira në botë në një betejë të shkëlqyeshme finale me një ‘prize pool’ prej 1 milion dollarësh në fjalë. Të katër ‘majors’ do të veprojnë në bazë të rregullave të “Match Point” të prezantuara në shtator në Apex Legends Preseason Invitational. Në vend të një beteje të drejtpërdrejtë gladiatorësh, skuadrat duhet të grumbullojnë pikë, bazuar në vrasje dhe vendosje, në raunde të njëpasnjëshme. Pasi një skuadër fiton pikët e mjaftueshme, ‘Match Point’ aktivizohet dhe fitorja tjetër nga ajo skuadër sjell fitoren e përgjithshme.
Kleçka është që skuadrat e tjera mund të vazhdojnë të fitojnë pikë dhe të bëhen ‘Match Point’ po në të njëjtën kohë, që do të thotë se skuadrat duhet të luajnë vazhdimisht gjatë gjithë turneut dhe të jenë në gjendje t’i japin fund lojës kur të vijë koha. Siç raportoi Washington Post në Tetor, mund të jetë një ‘grind’ për lojtarët sepse nuk ka kufi në numrin e ndeshjeve të luajtura përpara se të shpallet një fitues — u deshën 11 raunde me radhë për ekipin SoloMid për të fituar Preseason Invitational por ky fakt sjell gjithashtu një spektakël të vërtetë për shikuesit.
“Konkurrenca është në zemër të Apex Legends”, tha shefi i Respawn Entertainment Vince Zampella. “Ne presim që esports do të luajnë një rol të madh në të ardhmen e Apex Legends dhe gjithçka fillon këtu, me Apex Legends Global Series. Ne mezi presim të shohim se kush, nga miliona lojtarët tanë, do të shndërrohet në legjendën e vërtetë të arenës . ”
Turneu i parë në online Global Series do të zhvillohet në 25 dhe 27 Janar, me regjistrimin për të cilin, e vendosur të hapet në fillim të Janarit. Më shumë kualifikuese online janë caktuar për Shkurtin dhe Marsin, ndërsa ‘Majors’ i parë, i cili do të zhvillohet në Esports Stadium Arlington, është planifikuar të zhvillohet në 13-15 Mars. Detaje të plota dhe rregulla zyrtare mund të gjenden në playapex.com.