Apex Legends S14 arrin një rekord të ri në Steam

Që prej lançimit të lojës para 3 vitesh, Apex Legends ka arritur të fitojë një popullaritet goxha të madh. Dhe tashmë loja në fjalë ka arritur të vendos një rekord të ri në Steam.

Gjatë ditës së mërkurë në datën 10 gusht, Apex Legends arriti një numër të ri lojtarësh që po e luajnë lojën njëkohësisht në platformën Steam. Sipas të dhënave të publikuara nga SteamDB, Apex Legends arriti një numër prej 511,676 duke kaluar rekordin e vendosur gjatë lançimit të Season 12 me afërsisht mbi 400,000 lojtarë.

Fatkeqësisht, Apex Legends erdhi në platformën Steam një vit e gjysëm pas lançimit të saj dhe kjo ka bërë që të mos kemi informacione të plota rreth numrit të lojtarëve më përpara. Por nga të dhënat që kemi deri më tani, mund të themi që Apex Legends ka patur një rritje të madhe dhe Season 14 me sa duket ka ndikuar goxha. Kohët e fundit e kemi parë Apex Legends si një ndër lojërat më popullore në Steam në vendin e tretë pas CS:GO dhe Dota 2.

Çfarë ka ndodhur me Apex Legends Season 14?

Season 14 i Apex Legends ka sjellë goxha ndryshime në lojë momentalisht duke ndryshuar shumë gjëra. Ndër to ishte self-revive knockdown shield i cili është hequr nga loja përgjithmonë. Tashmë nuk do të shikoni më solo clutch pasi bëni revive veten në situata të mushura plot me aksion.

Momentalisht Apex Legends ka patur goxha probleme duke qenë se një Season i ri ka ardhur. Shpesh herë ka ndodhur që aftësitë e karaktereve të ndryshohen me karakteret e tjera ose të ndryshojnë pamjet e tyre. Kjo gjë i ka konfuzuar goxha lojtarët duke sjellë plot momente gazmore.

Apex Legends luhet edhe në platforma të tjera si konsole por gjithashtu edhe në PC përmes Origin por të cilat fatkeqësisht nuk ofrojnë të dhëna publike rreth numrit të lojtarëve.