Që nga lançimi i saj në 20 mars 2020, mbi 7 milion kopje të lojës janë shitur në të gjithë kontinentin. Më shumë se një e treta e më shumë se 20 milion pronarëve të Nintendo Switch në Evropë kanë filluar aventurën e tyre në një ishull të shkretë në Animal Crossing: New Horizons.
“Ne jemi vërtet mirënjohës që Animal Crossing: New Horizons është pëlqyer nga kaq shumë lojtarë në të gjithë Evropën”, tha Presidenti Evropian i Nintendo, Stephan Bole. “Animal Crossing ka qenë prej kohësh një franchise e njohur në Evropë dhe suksesi i saj i vazhdueshëm është për shkak të dashurisë së mbështetësve tanë për këtë seri unike.”
Në Animal Crossing: New Horizons për Nintendo Switch, lojtarët fillojnë jetën e tyre të re në një ishull të shkretë duke jetuar mes banorëve që janë kafshë, duke mbledhur materiale për të bërë mjete dhe orendi dhe duke bërë një jetë të lumtur, sidoqoftë që u pëlqen atyre. Me kalimin e kohës, lojtarët mund të shndërrojnë një ishull të papunuar në një komunitet të lulëzuar, duke formuar peizazhe me përrenj dhe ujëvara, duke vendosur mobilje të ndryshme për të krijuar vende të këndshme, etj. Ishulli ndryshon me stinët: ndërsa dimri ndryshon në pranverë, shfaqen peshq dhe insekte të ndryshme që lojtarët mund të kapin, si dhe evente të ndryshme që ata duhet të plotësojnë. Miqtë afër ose larg mund të vizitojnë ishujt e njëri-tjetrit përmes online play dhe t’i dërgojnë njëri-tjetrit dhurata dhe mesazhe brenda në lojë.
Që nga fillimi i lojës vitin e kaluar, update-et e shumta falas kanë shtuar përmbajtjen në lojë, duke përfshirë vizitorë të njohur, time-specific events dhe aftësinë për të bërë zhytje në oqean. Përditësimet më të fundit shtuan rroba dhe orendi me temë 35 vjetorin e Super Mario Bros., si dhe karaktere të reja me anë të bashkëpunimit me Sanrio, të arritshme duke skanuar kartat amiibo që fillojnë në Evropë javën e ardhshme. Përditësimet e titullit do të vazhdojnë edhe në vitin e dytë të tij.
Lojtarët që duan të mburren për ishujt e tyre, së shpejti do të kenë një mënyrë të re për ta bërë këtë, me shërbimin e internetit Animal Crossing: New Horizons Island Tour Creator, duke filluar në 24 mars. Duke ngarkuar screenshots ose video të ishullit të tyre të marra nga Nintendo Switch, lojtarët mund të krijojnë një poster ose trailer për të ndarë pamjet piktoreske dhe atraksionet kryesore të ishullit të tyre me botën.