Fansat e Legend of Zelda kanë qenë tepër të emocionuar që prej njoftimit se një remaster i Skyward Sword HD do të vijë së shpejti. Dhe së fundmi Nintendo ka njoftuar se një amiibo i ri i Zelda do të vijë në të njëjtën ditë lançimi me Skyward Sword HD.
Amiibo e re do të sjellë Zelda bashkë me Loftwing të pozicionuar në të njëjtin pozicion si në artwork origjinal të lojës. Diçka interesante rreth kësaj amiibo është se ka një funksion tjetër përveç atij të zakonshmit.
Në Skyward Sword, Link udhëton midis botës në re dhe asaj në tokë. Për të udhëtuar nga njëra në tjetrën lojtarët duhet të përdorin Save Points por amiibo iu lejon që të udhëtoni në botën e reve dhe anasjelltas thjesht duke e skanuar atë nëpërmjet kontrollerit.
Çmimi normal për një amiibo është 16 dollarë amerikanë por kësaj here do të jetë 25 dollarë amerikanë që është një çmim pak më i lartë se ai normali. Por duke marrë parasysh që ky është një amiibo i Zelda dhe Loftwing, ky çmim është më se normal.