Activision konfirmon Call of Duty Modern Warfare 2

Pas mini-leaks të vazhdueshëm nga burime të ndryshme, Activision ka konfirmuar gjatë ditës së djeshme Modern Warfare 2 bashkë me logo e kësaj loje.

Pas muajve të mbushur me spekulime dhe teori nga më të ndryshmet, Activision më në fund ka konfirmuar lojën e saj të re Call of Duty të quajtur Modern Warfare 2. Akoma nuk kemi një trailer për këtë lojë por Infinity Ward na ka dhuruar logon që Modern Warfare 2 do të ketë.

Fatkeqësisht Activision ose Infinity Ward nuk ka zbuluar ndonjë informacion të ri në lidhje me serinë por duhet të kemi parasysh që ata janë shprehur se lojërat e reja të kësaj serie do të jenë plotësisht ndryshe nga lojërat e tjera. Gjithashtu edhe Warzone 2 i cili do të jetë free-to-play është konfirmuar nga Activision.

Akoma nuk kemi një datë lançimi për Modern Warfare 2 por besojmë se loja do të vijë gjatë muajit tetor ose nëntor, pothuajse në të njëjtën periudhë që kanë ardhur të gjitha lojërat e tjera Call of Duty.