Account i juaj i Warzone mund të bëhet ban

Raven Software ka bërë ban dhjetëra mijëra cheaters nga Call of Duty: Warzone. Pak para sezonit të ri, 50,000 llogari të tjera u bën ban dhe akoma më mirë, po punohet edhe një programi i ri anti-cheat.

Që nga Marsi 2020, mbi 500,000 cheaters ishin bërë ban nga Warzone, megjithëse që atëherë, të paktën 100,000 llogari të tjera janë bërë ban, përfshirë 50,000 këtë javë. Studio e zbuloi këtë në Twitter, duke shtuar se “më e rëndësishmja, ne jemi duke dëgjuar dhe duke punuar shumë në prapaskenë”.

Siç është raportuar nga VGC, Tom Henderson, ka deklaruar se Activision është duke punuar në një sistem të ri kundër cheaters për lojërat e ardhshme Call of Duty. Kjo ka qenë në zhvillim për më shumë se një vit dhe do të debutojë me Call of Duty: Vanguard më vonë këtë vit.

Siç mund ta prisnit, i njëjti sistem kundër cheaters do të kalojë edhe në Call of Duty: Warzone, megjithëse saktësisht sa efektiv do të jetë ky sistem i ri mbetet për t’u parë.