A mund të vijë së shpejti një karakter shqiptar në Rainbow Six Siege?

Rainbow Six Siege është një ndër lojërat të cilat sjellin karaktere të ndryshme me karakteristika të ndryshme dhe një ndër to është edhe kombësia dhe historia e tyre. Por a keni pyetur ndonjëherë veten nëse një operator me origjinë shqiptare do të ishte pjesë e Rainbow Six Siege?

Gjatë intervistës sonë me drejtuesin e kësaj loje, Jean-Baptiste Halle, ne e pyetëm atë nëse Siege do të përfshinte një operator i cili do të ishte prej Shqipërisë, Kosovës ose Ballkanit meqë Ubisoft ka deklaruar se dëshiron që të arrijë 100 operator brenda në lojë.

Pas kësaj pyetjeje, Jean-Baptiste Halle u shpreh se kjo ishte një pyetje e vështirë për të që të përgjigjej dhe të tregohej specifik por që shpresonte shumë që të mund ta arrinte këtë gjë.

Me pak fjalë shanset që një operator shqiptar të jetë pjesë e Rainbow Six Siege nuk janë zero dhe na ngelet të presim për avancimet e radhës që Siege do të sjellë në lojë.