GTA Online është një ndër lojërat më popullore që mund të gjeni sot dhe popullariteti i saj vazhdon akoma të rritet çdo ditë. Gjithashtu kjo lojë ofron microtransactions për lojtarët e saj duke na bërë të pyesim veten nëse GTA Online është bërë “pay to win” kohët e fundit.
Nëse keni para në GTA Online, ju mund të blini pothuajse gjithçka që kjo lojë iu ofron duke filluar që prej armëve dhe modifikimeve të ndryshme deri tek automjetet dhe mjetet fluturuese më të mira. Kjo shpesh mund t’iu jap një avantazh në lojë nëse jeni kundër dikujt i cili preferon që të bëj “grind” në lojë se sa të përdorë para.
Por problemi i vërtetë nuk qëndron tek personat që blejnë produktet e GTA Online por tek modders të cilat kanë filluar të shkaktojnë probleme të ndryshme për lojtarët e thjeshtë.
Për të gjithë ju që nuk e dini, modders janë personat që modifikojnë pjesë të lojës të cilat supozohen të mos modifikohen në kushte normale. Shpesh herë kemi parë që ata të ofrojnë cheats të ndryshme si God Mode, Infinite Money dhe më gjerë në shkëmbim të parave të vërteta ose për të ngacmuar lojtarët e thjeshtë të kësaj loje.
Shpesh herë kemi parë që modders gjithashtu të mbledhin informacione personale të lojtarëve duke shkaktuar probleme për zhvilluesit e lojës. Rockstar dhe Take-Two Interactive kanë arritur të mbyllin dhe të rregullojnë shumë probleme me cheats, modders të cilat ofrojnë shërbime të ndryshme në shkëmbim të parave por përsëri ky problem vazhdon.