A do të mund të luani si Cyno në Genshin Impact?

Genshin Impact solli para pak kohësh update e saj më të fundit dhe bashkë me të solli një event të ri, vendndodhje të re dhe një karakter të ri ku këto dy të fundit do të vijnë së shpejti. Por njerëzit kanë filluar të pyesin rreth karaktereve të ardhshme që do të vijnë dhe një ndër ta është Cyno.

Për të gjithë ju që nuk e dini, Cyno është karakteri kryesor i radhës në historinë e Genshin Impact pas Inazuma dhe pritet të jetë pjesë e rajonit të radhës i cili quhet Sumeru. Për herë të parë ai është shfaqur në trailer rreth historisë së Genshin Impact ku tregohet se ai do të jetë pjesë e Act III.

Edhe pse akoma nuk ka një konfirmim zyrtar dhe rajoni i radhës pas Inazuma është akoma larg, fansat besojnë se Cyno do të vijë si karakter i cili mund të luhet pasi Diluc dhe Ningguang të cilët janë pjesë e këtij trailer mund të luhen.

Nga ajo çfarë dimë deri tani, Sumeru është rajon i “God of Wisdom” i cili është Dendro Archon dhe ky rajon do të jetë i mbushur me pyje dhe shkretëtira. Për sa i përket Cyno, ai mund të jetë një karakter pyro dhe me polearm por që akoma nuk është e sigurt.