Zhvilluesi i lojës u shpreh se “asgjë nuk ka ndryshuar”.
Zhvilluesi i lojës u shpreh se “asgjë nuk ka ndryshuar”.
Javën e kaluar, CD Projekt Red njoftoi se po vonon Cyberpunk 2077. Ishte gjithashtu një vonesë e jo e vogël; loja RPG ‘open world’ është njotuar për tu lançuar në Shtator, kur fillimisht ishte planifikuar për një lëshim në Prill. Përsëri, zhvilluesi polak ka thënë që loja është planifikuar vetëm për konsolat e gjeneratës aktuale, por në dukje që lançimi i lojës është afër atij të PlayStation 5 (që pritet të dalë në Tetor ose Nëntor) fansat kanë filluar të pyesin nëse gjërat kanë ndryshuar.
Por sipas CD Projekt Red, plani i studios mbetet i njëjtë. Në thirrjen e fundit të investitorit të kompanisë, ai deklaron se ndërsa është duke “menduar” për PlayStation dhe Xbox e ardhshëm, “Cyberpunk tani është duke shkuar për PS4, Xbox One dhe PC. Asgjë nuk ka ndryshuar në lidhje me planet”.
Ai shton: “Ne sigurisht jemi duke parë gjeneratën e ardhshme gjatë gjithë kohës. Ne jemi të sigurt për shumë informacione se çfarë po ndodh me këto platforma, por nëse tregohemi të sinqertë, ne nuk kemi asgjë për të ndarë tani në lidhje me atë.”
Pra, po, Cyberpunk 2077 është akoma duke synuar një lançim të PS4, por sinqerisht, a mund ta shihni se ky lançim është mjaft afër atij të PS5? Edhe nëse nuk është në sistemin e gjeneratës së ardhshme të Sony në nisje, ne mendojmë se një ri-lëshim eventual është vendosur. Sigurisht, ne ende nuk i dimë rreziqet dhe rezultatet e planeve të Sony për ‘backwards compatibility’, duke i bërë këto lloj skenare më të vështira për t’u parashikuar, por thjesht nuk mund të shohim një të ardhme në të cilën Cyberpunk 2077, lehtësisht një nga lojërat më të shumëpritura të dekadës së fundit, është i kufizuar në konsolet e gjeneve aktuale.