Watch Dogs Legion, prurja e tretë në serinë Watch Dogs të Ubisoft, do të dalë në Mars të këtij viti. Ne po ashtu kemi tani një gjysmë ore të plotë gameplay të Watch Dogs Legion që tregon jo vetëm lokacione të ndryshme, por edhe një numër misionesh gjithashtu.
Watch Dogs Legion ndryshon vendndodhjet nga dy lojërat e mëparshme Watch Dogs, duke na larguar nga Shtetet e Bashkuara të Amerikës dhe duke na sjellë në Angli (konkretisht Londër), ku një qeveri shtypëse ka marrë pushtetin dhe po përmbys lirinë civile. Anëtarësimi i DedSec ka shpërthyer, dhe tani lojtarët mund të marrin kontrollin e çdo karakteri që është pjesë e organizatës, i cili mund të jetë fjalë për fjalë kushdo në rrugë.
Gameplay e Watch Dogs Legion që shohim në videon e mëposhtme, na çon në disa zona të ndryshme në Londër, disa që kemi parë si Trafalgar Square dhe selia e Scotland Yard, dhe një që nuk e kemi parë deri më tani, Camden Town.
Për dallim nga vendet si Trafalgar Square dhe Westminster, të cilat janë shumë më tradicionale dhe dinjitoze, Camden Town është shumë më ndryshe, duke qenë një shumë më moderne, me shumë dyqane të ndriçuara duke përfshirë një sallon tatuazhesh me një akrep gjigant holografik të shfaqur.
Krahas vendndodhjeve të ndryshme që ne pamë, gjithashtu kemi një vështrim në klasa të ndryshme që mund të përfshijnë operativët tuaj të ndryshëm të DedSec. Kjo përfshin klasën Assault, më të përqendruar në sulm, klasën Infiltrator (e cila gjithashtu mund të fshehë trupat nga rojet me aftësinë Shroud), etj.
Watch Dogs Legion do të dalë në Xbox One, Playstation 4 dhe PC më 6 Mars të këtij viti, kështu që nëse jeni një fans i Watch Dogs, nuk do të keni shumë kohë për të pritur para se të dalë videoloja.