Më në fund vijnë në Nintendo Switch dy lojëra të reja të zhanrit visual novel të cilat sjellin mister, vrasje dhe sekrete ku ju si një detektiv duhet që t’i zgjidhni.
E lançuar në fillim vetëm për Japoninë, më në fund 2 lojëra nga seria e Famicon Detective Club vijnë në Switch në versionin anglisht dhe aspektet audio dhe vizuale të përmirësuara. Lojërat të cilat do të vijnë në Nintendo eShop për Switch janë Famicom Detective Club: The Missing Heir dhe Famicom Detective Club: The Girl Who Stands Behind.
Famicom Detective Club: The Missing Heir do t’iu çojë në një fshat të Japonisë ku një person i quajtur Amachi gjen protagonistin pa ndjenja dhe me amnezi. Pasi të zgjoheni ju do të mësoni se jeni një detektiv i cili po investigon vdekjen e drejtueses kryesore të familjes së pasur së Ayashiro.
Duke përdorur aftësitë tuaja, ju jeni të detyruar që të zbuloni të vërtetën pas kësaj vdekjeje dhe njëkohësisht edhe të shkuarën e protagonistit përpara se një tragjedi tjetër të vijë.
Famicom Detective Club: The Girl Who Stands Behind do t’iu çojë pas në kohë në Ushimitsu High School. Pasi një student humb jetën gjatë investigimit së historisë së një fantazme e cila ka “përndjek” shkollën, tragjedia në fjalë lë të shokuar klasën e studentit dhe të gjithë komunitetin lokal.
Si një detektiv i ri, është në dorën juaj që të zbuloni pas kësaj vrasjeje dhe thashethemeve të “The Girl Who Stands Behind” në këtë prequel.
Në të dy këto visual novel, merrja në pyetje e të dyshuarve, ekzaminimi i sendeve dhe vendeve të ndryshëm dhe analizimi i të dhënave që keni janë faktorët kyç që do t’iu ndihmojnë që të avanconi në investigimin tuaj mbushur plot me mistere, sekrete dhe kthesa të papritura.
Famicom Detective Club: The Missing Heir dhe Famicom Detective Club: The Girl Who Stands Behind do të mund t’i gjeni në Nintendo eShop më 14 maj.