Zbulohen detajet e PUBG Global Championship
Zbulohen detajet e PUBG Global Championship
PUBG Global Championship është gati për të filluar dhe më në fund kemi një listë të ekipeve që do të jenë në çdo grup si dhe item-at e rinj që do të kenë tematikën e këtij eventi.
Ka vetëm dy grupe të cilat janë të përbëra nga 16 ekipe, gjë që do të thotë se secila ndeshje do të jetë një luftë midis lojtarëve më të mirë në planet.
Tashmë, Grupi 1 duket si grupi më i fortë, pasi në të ndodhen ekipet të cilat fituan National dhe European PUBG League, Tempo Storm dhe FaZe Clan. Ky grup ka gjithashtu dhe ekipe të tjera mjaft të forta si G2 Esports, Gen.G dhe Natus Vincere.
Grupi 2 ndërkohë ka kampionët e PUBG Korea League OGN Entus Force së bashku me ekipet më të mira nga rajoni i Oqeanisë. Do të jetë mjaft interesante të shohim se si ekipet që do të përballen do të dalin, ose nëse ekipe si Team Liquid ose Lazarus do të dalin në këtë grup.
Sapo këto grupe të kenë mbaruar, 8 ekipe nga secili grup do të kalojnë në gjysmë-finalet e eventit. Ndërkohë, 8 ekipet e renditura më poshtë do të futen në fazën eleminatore, ku ata do të kenë mundësi të përballen për një shans për të luftuar në raundet e ardhshme.
Së bashku me zbulimin e grupeve dhe ekipeve, PUBG gjithashtu zbuloi dhe setin PGC 2019 që do të funksionojë në mënyrë të ngjashme me International Battle Pass në Dota 2.
Lojtarët në PC dhe konsola do të kenë mundësi të blejnë items si PGC 2019 Clothing Set, Combat Set, M416 Weapon Skin, Dacia Skin dhe Victory Dance Emote. Ato do të mund të blihen deri në 26 nëntor, kur të zhvillohet finalja e madhe. 50% e fitimeve nga këto items do të ndahen midis të gjithë konkurrentëve, ndërkohë që 25% do të shkojë për të rritur prize pool-in prej $2 milionë.
Ndërkohë, 25% i mbetur do të ndahet midis ekipeve nëpërmjet eventit PGC Pick’Em Challenge, i cili i jep mundësi lojtarëve të parashikojnë fituesin e turnamentit dhe të fitojnë shpërblime ekskluzive.