Në atë që supozohej të ishte një muaj i ngjeshur për Dota 2, tashmë ka një mungesë të theksuar turnamentesh si shkak i përhapjes masive të coronavirus, duke detyruar Valve dhe jo vetëm, të anullojë eventet.
Si pasojë e këtyre anullimeve dhe ndalimit të fluturimeve, WePlay! po organizon një turnament online jo-fitimprurës, me disa nga skuadrat më të mëdha në botë. Kjo me qëllim që të rritet ndërgjegjsimi dhe të mblidhen fonde për të luftuar coronavirus.
‼️Play to save the world‼️
— WePlay! Esports (@WePlayEsport) March 16, 2020
We want to announce WeSave! Charity Play - Non-profit Online Dota2 Charity Marathon dedicated to fight COVID-19
The tournament will take place on March 20-26, 2020.
Read more about the event: https://t.co/QunLZWBxcy#weplay2save #WePlayDota2 @DOTA2 pic.twitter.com/KK39rd03YW
WeSave! Charity Play do të jetë një event me 24 skuadra, katër nga secili rajon, që do të konkurojnë në datat 20-26 mars. I gjithë turnamenti, përfshirë lojërat, transmetimet dhe segmente të tjera, do të organizohet nga WePlay!
Katërmbëdhjetë skuadra kanë konfirmuar deri më tani pjesëmarrjen e tyre në event, me një 10 tjetër që do të njoftohet javën e ardhshme. Skuadrat e konfirmuara përfshijnë: EHOME, Invictus Gaming, TNC Predator, Geek Fam, BOOM Esports, HellRaisers, Virtus Pro, Team Liquid, Team Secret, Team Nigma, No Ping Esports, Thunder Predator, beastcoast dhe business associates.
Ky event do të ketë një prize pool prej $120,000, që do të ndahet në $20,000 për rajon. Shuma do të dhurohet për të ndihmuar luftën kundër coronavirus.
WeSave! Charity Play do të mbahet në datat 20-26 mars me një transmetim të plotë në anglisht dhe rusisht, të disponueshëm përgjatë gjithë eventit.