Vitality e kanë mbyllur vitin në mënyrën më të mirë
Vitality e kanë mbyllur vitin në mënyrën më të mirë
Ekipi francez i Vitality ka arritur të mposhtë mousesports, të cilët fituan tre eventet e fundit offline të CS:GO rradhazi, në një seri best-of-three për të fituar EPICENTER 2019.
Duke qënë se mousesports e humbi këtë event, ky ishte fundi i një serie mjaft të mirë rezultatesh pozitive. Ndërkohë, ky është vetëm fillimi për Vitality. Kjo është fitorja e tyre e parë në një turnament offline që prej qershorit, kur ata fituan ECS Season 7 Finals.
Vitality u dukën mjaft të fortë gjatë të gjithë eventit, por kjo erdhi kryesisht si pasojë e një njeriu: AWPer-it 19 vjeçar Mathieu “ZywOo” Herbaut, mbase një prej lojtarëve më të mirë në botë. Ai e fitoi thuajse i vetëm këtë seri me Vitality, duke arritur plot 87 vrasje. I dyti ishte in-game leader i Vitality Alex McMeekin me 60 vrasje.
Vitality humbën në hartën e parë ndaj mousesports pas një beteje intensive në Inferno. Të dyja ekipet patën avantazhet e tyre në hartë, por mousesports arriti të fitonte 16-14 në fund.
Megjithatë, Vitality nuk u dorëzua. Edhe pse David “frozen” Čerňanský bëri një clutch fantastik 1v3 për të fituar raundin 12, ekipi francez arriti të siguronte fitoren në Mirage me rezultatin 16-12.
Agresiviteti i Vitality vazhdoi edhe në hartën e tretë dhe të fundit, Nuke. ZywOo do të kishte një tjetër performancë fantastike, por spektakël dhuroi gjithashtu Cédric “RpK” Guipouy. Mousesports humbën në hartën e fundit 16-9, duke i dhënë fund fitoreve të tyre rradhazi.
Vitality e kanë mbyllur këtë vit në mënyrën më të mirë të mundshme dhe padyshim që tashmë i kanë hedhur sytë drejt Major në maj.