Mykhailo Federov, zëvendëskryeministri i Ukrainës, ka lëshuar një deklaratë për kompanitë e zhvillimit të lojërave dhe platformat e esports duke u kërkuar atyre të bllokojnë lojtarët dhe ekipet ruse dhe bjelloruse nga pjesëmarrja në evente.
Apeli i tij vjen pas pushtimit rus të Ukrainës, i cili filloi më 24 Shkurt. Që atëherë, organizata të shumta botërore kanë lëshuar sanksione kundër qytetarëve, organizatave dhe oligarkëve rusë.
@Xbox @PlayStation
— Mykhailo Fedorov (@FedorovMykhailo) March 2, 2022
You are definitely aware of what is happening in Ukraine right now. Russia declare war not for Ukraine but for all civilized world. If you support human values, you should live the Russian market! pic.twitter.com/tnQr13BsSv
“E gjithë bota po zmbraps agresorin përmes vendosjes së sanksioneve – armiku duhet të pësojë humbje të konsiderueshme. Por ne kemi nevojë për mbështetjen tuaj, “tha Fedorov në deklaratë.
“Apeloj që të bllokohen përkohësisht të gjitha llogaritë ruse dhe bjelloruse, të ndalohet përkohësisht pjesëmarrja e ekipeve dhe lojtarëve rusë dhe bjellorusisë në të gjitha ngjarjet ndërkombëtare të eSports dhe të anulohen të gjitha eventet ndërkombëtare që zhvillohen në territorin e Rusisë dhe Bjellorusisë”, shtoi ai.
Fedorov beson se bërja e kësaj do të “motivojë qytetarët e Rusisë që në mënyrë proaktive të ndalojnë agresionin e turpshëm ushtarak”.
Që nga fillimi i pushtimit të Ukrainës në shkurt, janë vendosur sanksione të forta kundër Rusisë. Bashkimi Europian, Kanadaja dhe Shtetet e Bashkuara kanë mbyllur hapësirën e tyre ajrore për avionët rusë. FIFA dhe UEFA pezulluan klubet dhe kombëtaret ruse nga të gjitha garat. Dhe Bashkimi Europian po punon për heqjen e bankave ruse nga sistemi SWIFT.
Organizatat e sporteve kanë ndaluar gjithashtu skuadrat me bazë në Rusi të marrin pjesë në evente.