Twitch ka krijuar një kategori të veçantë për esports

Nëse doni të shihni evente esports, gjithçka do të jetë fare e lehtë

Twitch i jep mundësi përdoruesëve të shohin streams nga një kategori shumë e madhe opsionesh. Sot platforma njoftoi disa ndryshime të cilat do e bëjnë edhe më të lehtë për shikuesit që të gjejnë ekzaktësisht atë që duan. Kompania solli një kategori të veçantë vetëm për kompeticione esports, që tregon të gjitha eventet në ditët në vijim.

Në të shkuarën, ishte e vështirë për disa përdorues të përdornin faqen për të gjetur atë çka donin. Edhe pse ata kanë mundësi të zgjedhin sipas kategorive dhe të gjejnë lehtësisht kanalet që ndjekin, nuk ishte dhe aq e lehtë të gjeje kanale që shfaqnin specifikisht esports.

Me këtë kategori të re, është shumë më e lehtë për fansat e esports që të gjejnë kompeticionin që duan. Këtu do të përfshihen evente të mëdha si ESL Katowice dhe League of Legends World Championship, si dhe evente që janë pjesë e Twitch Rivals.

Gjëja e parë që bie në sy kur futesh në këtë kategori janë dy nën-kategori me tituj. Poshtë tyre ndodhet faqja kryesore me disa prej ndeshjeve kryesore. Në përgjithësi, kategoria është shumë e ngjashme me faqen kryesore të Twitch, por është specifike për esports.

Edhe pse kategoria sapo është lançuar, ajo i vendos edhe më në vëmendje esports në Twitch, duke i shtyrë organizatorët e eventeve të punojnë më ngushtë me këtë platformë. Kjo lëvizje erdhi pasi Activison Blizzard njoftoi se do të kalonte të gjitha kompeticionet esports në YouTube, me platformat e streaming që po luftojnë për të marrë të drejtat ekskluzive për streamer-at dhe ligat më të mëdha.