Kina është mbreti i ri i PUBG Mobile.
Kina është mbreti i ri i PUBG Mobile.
Pas tre ditësh intensive, Top Esports u kurorëzuan si fituesit e PUBG Mobile Club Open (PMCO) Spring Split Global Finals.
Dita e tretë e turnamentit ishte më emocionuesja nga të gjitha sigurisht. Tre skuadrat kryesore: Top Esports, X-Quest F dhe Elite Esports u vendosën kokë më kokë për të marrë vendin e parë përgjatë ditës së tretë. TopEsports mori dy Chicken Dinners në ditën e fundit, dy fitore këto që i siguruan skuadrës fitoren e turnamentit.
E gjitha u vendos në ndeshjen e fundit që u mbajt në Erangel. Ishte kjo që përcaktoi fituesin e PMCO Global Finals. Përpara ndeshjes së fundit Top Esports dhe X-Quest F kishin vetëm dy pikë diferencë. X-Quest F lanë pak për të dëshiruar me gameplay-in e tyre, mbi të gjitha kur marrim parasysh se në dy ditët e para ishin ata ekipi dominues.
Këto janë rradhitjet e skuadrave për PMCO Global Finals:
Top Esports do të marrë $180,000 për këtë fitore, X-Quest $90,000 dhe Elite Esports$45,000. Të gjitha këto shifra nuk të bëjnë shumë përshtypje kur e krahason me atë që mori fituesi i Fortnite World Cup, por duhet ta pranojmë se këto dy turnamente nuk janë kurrsesi të të njejtit nivel.
Bigetron Esports nga ana tjetër i habiti të gjithë me tre Chicken Dinners, më shumë nga çdo skuadër në turnament. Kjo i çoi ata në vend të pestë, poshtë RRQ Athena.
RRQ Athena, një nga pretendentët për ta fituar turnamentin nuk ishin edhe aq të mirë me performancën e tyre. Skuadra nuk luajti shumë mirë në ditën e dytë, por në ditën e tretë u pozicionuan më lart.
Gjithsesi kjo nuk ishte mjaftueshëm për të kaluar X-Quest F, Top Esports dhe Elite Esports, që treguan një konsistencë të admirueshme përgjatë finaleve, duke mos lejuar asnjë skuadër tjetër të futej në treshen e parë.