Team Blink fiton Red Bull Flick – Kosovo Qualifiers

Red Bull Flick është një ndër tournamentet më të fundit të CS:GO nga Red Bull e cila i vendos lojtarët në situata 2v2 dhe ku dyshja më e mirë fiton. Kësaj here, BLINK arrin që të fitojë Red Bull Flick në Kosovë.

Sener “Sener1” Mahmuti dhe Genc “Gxx” Kolgeci janë dy ndër lojtarët më të mirë që BLINK ka në ekipin e tij. Së fundmi këta dy lojtarë kanë marrë pjesë në kampionatin e Red Bull Flick dhe në të cilin janë shpallur fitues.

Gjatë finales ata u përballën dhe arritën të fitonin kundër Juanflatroo dhe sinnopsyy të cilët janë gjithashtu nga ekipi i BLINK. Pas kësaj fitore, Sener1 dhe Gxx do të përfaqësojnë Kosovën në Helsinki Invitational.

Red Bull Invitational është planifikuar që kësaj here të organizohet në Helsinki, Finlandë prej datës 19 deri në 21 nëntor me një prize pool prej afërsisht 50,000 Euro. Shumë ekipe të njohura si ENCE, Cloud9, G2, FURIA dhe BIG janë ftuar dhe gjithashtu Nikola “⁠NiKo⁠” Kovač është ambasadori zyrtar i brand.

BLINK së fundmi ka patur goxha përparime dhe ndryshime në ekipin e saj. Ekipi në fjalë së fundmi është bërë pjesë e tournament të Gjirafa50 Masters League Season 2 dhe ka sjellë në ekipin e saj lojtarin e CS:GO rigoN.