T1 firmos me ish-lojtarin e CS:GO Brax si lojtari i parë i Valorant

Skena kompetitive e Valorant duket se po krijohet

Organizata koreane T1 ka nisur skenën kompetitive të Valorant duke firomosur me lojtarin e parë për shooter-in e Riot. Ish-lojtari profesionist i CS:GO Brax (i njohur gjithashtu edhe si Swag) është bashkuar me organizatën si contenct creator dhe lojtar i ardhshëm i Valorant.

T1 e bëri këtë lajmërim në Twitter, duke thënë se Brax është nënshkruar si një content creator dhe lojtar profesionist i Valorant, CS dhe lojërave të tjera FPS. Brax u tërhoq zyrtarisht nga Counter-Strike në 28 shkurt, duke thënë se do të lëvizte drejt Valorant dhe do të luante CS:GO vetëm në stream herë pas here.

Edhe pse mbahej si një prej lojtarëve më të mirë të Counter-Strike në 2014, periudha e shkurtër e Brax në ndeshjet kompetitive pati një fund tragjik kur ekipi i tij u shpall fajtor për trukim ndeshjesh në 2015. Ata u bënë të gjithë ban nga eventet e sponsorizuara nga Valve dhe Brax u detyrua të bënte stream dhe të merrte pjesë në turnamente më të vogla.

Duke iu përgjigjur tweet-it të T1, Brax tha se ai është shumë entuziasst për të sjellë atë që di nga CS:GO në Valorant dhe beson se së bashku ata do të krijojnë ekipin më të fortë në botë.

Riot e zbuloi zyrtarisht FPS e tyre më herët këtë muaj, duke tërhequr vëmendjen e fansave të esports dhe streaming.