Jemi tashmë në javën e nëntë të GameON Community Series, e cila padyshim pritet të sjellë mjaft emocione dhe spektakël. Pas një jave të tetë të mbushur me plot ekipe të mira, presim që edhe kjo fundjavë të jetë mjaft emocionuese.
Nga java e kaluar, ekipet që u kualifikuan dhe kanë siguruar automatikisht vendin e tyre për këtë javë janë F8 Gaming, Cosanostra, Shoot To Kill Elite, 4Squad Wipers, MASTER ESPORTS, SimpleTeam, Sonics, KosovaSquad, XTEAM, DRB Clan, Shoot To Kill, Eliminate, The Wild Boys, Blood Killers, Irons, Born2Shoot. Ndërkohë, ekipet që duan të marrin pjesë dhe të konkurrojnë ndaj këtyre ekipeve janë duke luajtur momentalisht në GameON Midweek Series, për të cilat ju mund të regjistroheni në Discord.
Nëse ju nuk patët mundësi të regjistroheni ose ekipi juaj nuk u përzgjodh nuk keni pse të shqetësoheni, pasi gjithsesi keni mundësi të shihni ndeshjet live në kanalin tonë në Trovo.
Gjithashtu, duke nisur nga java tjetër, do të zgjerojmë GameON Midweek Scrims, të cilat do të luhen përgjatë tre ditëve (të martën, të mërkurën dhe të enjten), duke i dhënë më shumë ekipeve mundësi të provojnë veten dhe të kualifikohen në finalet e livestream. Do të luhen tre ndeshje në Erangel, Miramar dhe Sanhok. Nga secili grup do të kualifikohen gjashtë ekipe, të cilat do të kenë mundësi të luajnë në Community Series në fundjavë.
Si dhe javët e kaluara, në fundjavë do të luhen katër ndeshje në Erangel, Miramar (aman mos harroni ta shkarkoni se na vdiqët), Sanhok dhe sërish në Erangel. Këtë javë stream-i do të nisë në 21:00, prandaj sigurohuni të na ndiqni live në Trovo!