PUBG Mobile është një lojë e cila zakonisht luhet me miqtë tuaj ose lojtarë të tjerë me ekipe 4v4 ku secili lojtar luan një rol të veçantë. Për të triumfuar në Red Bull MEO duhet të keni një shpirt të mirë në skuadër, bashkëpunim si dhe role të specifikuara për çdo lojtar në ekip.
*Nëse nuk jeni regjistruar ende, sigurohuni të regjistroheni për 2 ditët e fundit të Kualifikuesve të Red Bull MEO më 28-29 Nëntor.*
Red Bull MEO do të zhvillohet në hartat e Erangel(2X), Miramar dhe Sanhok. Në lobbies do të ketë rreth 20 ekipe. Arsyeja për këtë numër është pasi kemi një numër të madh regjistrimesh, dhe ekziston mundësia që lobbies të jenë plotë. Mënyra se si do të fitoni është duke kapur një renditje të mire në çdo lojë e cila ju jep pike si dhe të merrni sa më shumë vrasje ku ju merrni 1 pikë për çdo vrasje.
Ne kontaktuam fituesit e vitit të kaluar të Red Bull MEO, ekipin e Abnormal, të cilët tashmë njihen si TheNameless, të cilët do na japin disa nga përshtypjet e tyre mbi eventin e fundit dhe përgatitjen e tyre për tournament-in.
Tani që e keni parasysh se si të fitoni, më poshtë ju mund të lexoni dhe përshtypjet e tyre mbi triumfin e vitit të kaluar.
Fitorja e “ RED BULL M.E.O “ nuk mendoj se është presion. Është thjesht vëmendja tek fitorja. Tek ne askush nuk mendon të përfundojë me humbje . Ne presim të fitojmë. Kjo është detyra jonë. Çështja s’është të luajmë për të marrë pjesë, por vetëm të fitojmë. Ky është mentaliteti ynë Është një kënaqësi e veçantë, pasi është një fitore e bukur. E dhamë maksimumin dhe shpresoj që edhe kësaj here të fitojmë. Çdo sekondë derisa jemi në lojë kemi nevoje për fokus të plotë dhe pa stres dhe kjo do të na sjellë fitoren dje, sot dhe gjithmonë. Abnormal u krijua 3 vite më parë më 05/08/2019 dhe tani ne po luajmë për “The Nameless El Tech” dhe me shumë punë & përkushtim arritëm në PMCO Finals. Objektivi ynë si më parë dhe tani, qëndron i njëjtë… ne vijmë vetëm për fitore. – Co Owner TheNameless OLA