Si do të zhvillohen gjysmëfinalet e Red Bull M.E.O PUBG Mobile?

Faza e qualifiers u zhvillua nga data 24 nëntor deri më 29 nëntor duke kualifikuar 36 ekipe të ndryshme nga e gjitha Shqipëria në gjysmëfinale. Por tashmë lind pyetja se si do të zhvillohen gjysmëfinalet e Red Bull M.E.O PUBG Mobile.

Finalja e Red Bull M.E.O. PUBG Mobile

Finalja e madhe e Red Bull M.E.O. PUBG Mobile do të zhvillohet fizikisht tek Coolab gjatë ditës së shtunë, 10 dhjetor, ora 15:00 ku jeni të ftuar të merrni pjesë dhe të ndiqni këtë event ku do të vendoset ekipi më i mirë në Shqipëri për PUBG Mobile.

Secila prej 6 qualifiers të cilat u zhvilluan nga data 24 nëntor deri më datën 29 nëntor kaloi në fazën tjetër 6 ekipe nga secila ditë duke bërë një total prej 36 ekipesh të kualifikuara. Por si do të luajnë këto ekipe në gjysmëfinalet e Red Bull M.E.O PUBG Mobile.

Gjysmëfinalet do të jenë të ndara në 2 grupe të ndryshme ku secili grup do të ketë 18 ekipe që do të konkurrojnë kundër njëri-tjetrit. Gjashtë ekipet e para të kualifikuara nga dita e parë, e dytë dhe e tretë duke bërë një total prej 18 ekipesh do të luajnë në grupin e parë, kurse pjesa tjetër në grupin e dytë.

Gjysmëfinalet do të zhvillohen ditën e shtunë dhe të diel, 3 dhe 4 dhjetor. Nga secili grup do të kualifikohen 8 ekipe duke bërë një total prej 16 ekipesh të cilat do të kalojnë në finalen e madhe të Red Bull M.E.O PUBG Mobile.