Riot Games duket se ka marrë një vendim për të censuruar përdorimin e frazës “Hong Kong” në stream gjatë League of Legends World Championship.
Një postim në Reddit nga dje ka grumbulluar të gjitha momentet që i kanë bërë fansat të spekulojnë se Riot ka censuruar fjalën “Hong Kong”. Prova kryesore paraqiste disa prezantues që korrigjonin veten e tyre kur diskutonin për skuadrën Hong Kong Attitude.
Kur një prezantues filloi të thoshte “Hong Kong,” ai menjëherë e ndryshoi perifrazimin e tij në “HKA“. Dy nga këto raste mund të gjenden gjatë analizimit të rezultateve finale të play-in. Klipi i mëposhtëm tregon një shembull të kësaj.
Më parë prezantuesit thonin “Hong Kong” pa asnjë problem, por fansat tashmë po dyshojnë që fraza mund të jetë censuruar, pasi raste si i mësipërmi janë të përsëritura. Kjo mund të sugjerojë se Riot po i ndalon ata që ta përdorin këtë frazë.
Spaktatorët vërejtën edhe një vonesë gjatë serisë Hong Kong Attitude vs. Isurus Gaming dje. Pasi HKA fitoi, intervista supozohej të fillonte menjëherë, por ajo nuk u transmetua në moment, por disa minuta më vonë në stream. Kjo vonesë i vuri shikuesit në dilemë nëse intervista që panë ishte live apo e regjistruar më përpara.
Një përdorues tha: “Ata nuk kanë për ta bërë live, ndaj mund thjesht të mos e japin fare si intervistë nëse nuk ju pëlqen ajo çfarë Hong Kong Attitude ka për të thënë.” Pasi intervista u transmetua, fansat filluan të mendonin që ajo nuk u mbajt live për të parandaluar sërish përmendjen e teamatikës së protestës së Hong Kong në livestream.
Sado që këto spekulime mund të jenë edhe rastësore, në fakt ka motiv përse Riot do të donte të censuronte gjatë stream-it të tij. Riot është në pronësi të Tencent, kompanisë gjigande Kineze të gaming dhe një pjesë dërrmuese të lojtarëve të tij i ka në atë rajon. Rrjedhimisht fitimet më të mëdha vijnë nga vendi me bazën më të madhe të lojtarëve.
Vetëm para pak ditësh lojtari i Hearthstone ngriti zërin mbi protestat në Hong Kong dhe Blizzard i bëri menjëherë ban, duke i marrë edhe paratë e çmimit. Nëse Riot ka si qëllim të shmangi kontradita të ngjashme, e gjithë teoria e censurimit të frazës “Hong Kong” bën më shumë kuptim.