Rainbow Six Siege është një prej lojërave më të famshme në botë e cila njihet gjithashtu edhe për aspektin eSports të saj. Por së fundmi aspekti eSports i kësaj loje ka pësuar shumë ndryshime duke i lejuar tashmë ekipeve nga vende të ndryshme të jenë pjesë duke përfshirë këtu edhe trevat shqiptare.
European Challenger League Qualifiers do të përbëhet nga 3 open qualifiers të cilat do të zhvillohen deri në fund të verës. Ndryshe nga herët e tjera, tashmë ekipet dhe lojtarët nga vende si Shqipëri, Bosnja dhe Hercegovina, Bullgaria, Kroacia, Qipro, Greqia, Letoni, Lituani, Mal i Zi, Maqedonia e Veriut, Romania, Serbia, Sllovakia, Sllovenia dhe Turqia.
Pra me pak fjalë, më në fund ekipet dhe lojtarët nga trevat shqiptare kanë mundësinë që të jenë pjesë e skenës eSports të Rainbow Six Siege.
Qualifier i parë do të nis më 30 prill deri më 2 maj 2021. Datat e të dytit dhe të tretit do të bëhen të ditura më vonë. Secili Qualifier do të jetë single elimination bracket dhe deri në raundin e 16-të ndeshjet do të jenë Best-of-One. Pas raundit të 16-të bashkë me finalen, ndeshjet do të jenë Best-of-Three.
Gjatë secilit Qualifier, ekipet pjesëmarrëse do të marrin pikë dhe çmime të caktuara. Numri i pikëve të secilit ekip do të mblidhen pasi të treja Qualifier të jenë zhvilluar duke caktuar pozicionin e tyre final. 5 ekipet me më shumë pikë do t’i bashkohen European Challenger League.
Nëse jeni të interesuar, ju mund të regjistroheni në platformën FACEIT duke klikuar këtu. Dhe nxitoni të regjistroheni pasi keni kohë deri më 30 prill. Gjithashtu ju mund të gjeni më shumë informacione rreth skenës së eSports të Rainbow Six Siege këtu.