Ndiqni sot live kampionatin më prestigjoz 1v1 të League of Legends
Ndiqni sot live kampionatin më prestigjoz 1v1 të League of Legends
Pas disa javësh plot emocionuese me ndeshje të vazhdueshme, sot më në fund kemi arritur në fazën finale të Red Bull SoloQ, kampionati më prestigjoz 1v1 për League of Legends në Shqipëri. Fituesi i këtij kampionati do të udhëtojë drejt Kopenhagen, Danimarkë, për të konkurruar me lojtarët e tjerë nga rajoni. Nëse ai gjithashtu fiton në Danimarkë, atëherë ai do të niset drejt Gjermanisë për t’u përballur me lojtarë nga e gjithë bota për të fituar çmimin e madh, një mundësi për të luajtur në League of Legends All-Stars!
Sot do të zhvillohen faza çerekfinale, gjysmëfinale dhe gjithashtu finalja e madhe e Red Bull SoloQ. Ndeshjet do të jenë në formatin Best-of-3, ndërkohë që finalja e madhe do të jetë në formatin Best-of-5. Fitues shpallet lojtari i cili merr First Blood, 100 CS ose kullën e parë.
Faza finale, siç ndodhi gjatë ditës së djeshme, do të transmetohet live për të gjithë të apasionuarit në Twitch. Transmetimi do të nisë në oren 16:00, prandaj sigurohuni që të jeni aty për të mbështetur lojtarët tuaj të preferuar në rrugën drejt finales.
Mos harroni të na ndiqni!