Filloni udhëtimin për tu bërë një League of Legends pro.
Red Bull Player One është një tournament mbarëbotëror 1v1 për të gjithë lojtarët amatorë të League of Legends, i cili zhvillohet në bashkëpunim me Riot Games. Çdo vit, fituesi i tournamentit përzgjidhet për të ikur në Brazil, ku trajnohet nga një grup profesionistësh për të përfaqësuar më vonë vendin e tyre në rank global.
Do të jenë fillimisht katër grupe ku do të mund të aplikoni. Kjo fazë do të zhvillohet online. Lojtarët e Grupit A do të ndeshen në datë 20 qershor, Grupi B në 22 qershor, Grupi C në 24 qershor dhe Grupi D në 26 qershor. 64 më të mirët e këtyre 4 grupeve do të vazhdojnë konkurimin në fazën e gjysëmfinaleve, ku më tej do të përzgjidhen 16 finalistët. Gjysëmfinalja dhe finalja do të zhvillohen fizikisht në Tiranë.
Procedura e aplikimit mund të bëhet në faqen e Toornament, që mund ta gjeni në link-et më poshtë. Çdo aplikim do të verifikohet dhe nuk do të mund të aplikoni në më shumë se një grup.
Fituesi i përzgjedhur nga finalja e madhe do të ketë mundësi të përfaqësojë vendin tonë në një udhëtim me shpenzime të paguara nga Red Bull në Brazil, ku do të stërvitet personalisht nga profesionistët më të mirë të League of Legends, për të përmirësuar aftësitë e tij në konkurimin global.
Përpara se të aplikoni duhet të keni parasysh disa rregulla:
Kushtet për pjesëmarrje:
• Garuesit nuk mund të jenë pjesë apo të marrin pjesë në LCS, LEC, LCK ose LPL ose në ndonjë ligë tjetër profesionale.
• Mosha mbi 18 vjeç.
• Mund të merrni pjesë vetem në nje shtet.
• Duhet të keni dokumenta të vlefshme për udhëtim.
Struktura e kampionatit:
• Ndeshjet do të luhen në Summoner’s Rift.
• Loja do të jetë Blind Pick, nuk do të ketë bans.
• Ndeshjet do të jenë Bo1
• Sistem knock-out, pra nëse eleminohesh nuk mund të luash sërish
• 16 lojtarët e ngelur në secilin grup nga kualifikueset online do të luajnë më 29 qershor në NET1 Bllok.
• Finalja e madhe do të luhet në Cineplexx QTU më 6 korrik.
Orari:
Grupi A do të luajë ditën e enjte, dt. 20/06/2019. Grupi B do të luajë ditën e shtunë, dt. 22/06/2019. Grupi C do të luajë ditën e hënë, dt. 24/06/2019. Grupi D do të luajë ditën e mërkurë, dt. 26/06/2019. Ndeshjet do të luhen në oraret 16:00, 18:00 dhe 20:00. Lojtarët duhet të jenë gati të paktën 15 minuta përpara fillimit të ndeshjes. Nëse një nga lojtarët nuk raporton deri në orarin e fillimit të ndeshjes, duhet të kontaktoni me stafin e GameON. Në këtë rast, loja do të quhet automatikisht e humbur për lojtarin që nuk është paraqitur dhe ju avanconi menjëherë në fazën tjetër. Orari i ndeshjeve nuk mund të ndryshohet në asnjë rast.
Kushtet e fitores:
• First Blood
• Vrasja e 100 minions
• Shkatërrimi i turret-it të parë
Rregullat gjatë ndeshjes:
• Ndeshja do të luhet në Mid Lane. Nuk lejohet në asnjë mënyrë vrasja e përbindëshave në Jungle ose në lane të tjera përveçse Mid.
• Nuk lejohet abuzimi me bugs.
• Nuk lejohet përdorimi i cheats.
• Në rast problemesh me internetin, nëse jeni futur në lojë ajo do të quhet e nisur dhe ju nuk do të keni mundësi ta riluani atë.
Në përfundim të ndeshjes:
• Të dy lojtarët duhet të kontaktojnë menjëherë stafin e GameON me një screenshot të lojës.
• Në rast mospërputhje rezultati, duhet që ju të na sillni të gjitha dëshmitë (screenshots, replays etj.) për të vërtetuar fitoren tuaj. Stafi i GameON do të vendosë fituesin e ndeshjes, bazuar tek dëshmitë e dhëna.
Kontakt:
• E-mail: info@gameon.al
• Facebook: https://www.facebook.com/gameon.al
• Instagram: https://www.instagram.com/gameon.al/
Si gjithmonë finalja do të transmetohet live. Nëse jeni të dhënë pas League of Legends, kapeni këtë mundësi sa jeni ende në kohë. Më shumë informacion do të vijë së shpejti, ndaj qëndroni të update-uar.
Glhf!