Red Bull M.E.O. Season 5 PUBG Mobile

Një ndër eventet më të mëdha mobile në Shqipëri, Red Bull M.E.O. Season 5, ka përfunduar duke shpallur fituesin e madh të këtij tournament për PUBG Mobile. Por si nisi, u zhvillua dhe përfundoi ky event?

Red Bull M.E.O. Season 5 për PUBG Mobile nisi në 3 nëntor me regjistrimet e ekipeve të cilat u mbyllën në 22 nëntor. Nga regjistrimet e bëra u krijuan 6 grupe me 20 ekipe secila prej tyre të cilat luajtën nga data 24 nëntor deri në 29 nëntor.

Nga secili grup u kualifikuan 6 ekipe të ndryshme duke bërë një total prej 36 ekipesh të kualifikuara në fazën e ardhshme të cilat ishin gjysmëfinalet. Gjysmëfinalet u zhvilluan me dy grupe në datat 3 dhe 4 dhjetor ku në secilin grup ishin 18 ekipe që luftuan për të zënë top 8.

Top 8 ekipet më të mira nga secili grup duke bërë një total prej 16 ekipesh kaluan në finalen e madhe të Red Bull M.E.O. Season 5.

Ekipet që morën pjesë ishin:

• 4 Gods
• Autochthonous
• Avengers
• Bad Heroes
• Courage Esports
• Dark Warriors
• Emperoes
• Ethnic Albania Claws
• Executioners
• Galaxy Esports
• GalaxyTeam
• Goat
• Make Them Run
• No Mercy Warriors
• TheNameless Sirius
• Xtreme Esports

Loja e parë u zhvillua në hartën e Erangel ku ekipi i Autochthonous arriti të zinte vendin e parë me 11 eliminime. Loja e dytë u zhvillua në hartën e Miramar dhe e cila u fitua nga ekipi i Xtreme Esports  me plot 12 eliminime. Loja e tretë u zhvillua në hartën e Sanhok ku ekipi i Goat zuri vendin e parë me 14 eliminime.

Loja e katërt u zhvillua përsëri në hartën e Erangel ku ekipi i No Mercy Warriors arriti të fitonte me 9 eliminime. Kjo fitore në lojën e katërt i dha këtij ekipi pikët që kishte nevojë për t’u shpallur fituese e këtij eventi të madh të Red Bull M.E.O Season 5. Në vendin e dytë dhe të tretë u pozicionuan ekipi i GOAT dhe ekipi i Autochthonous respektivisht.