PUBG Mobile Esports zbulon sistemin e ri të pikëve për Pro dhe World Leagues

Ai do të zbatohet në Pro Leagues që tani e tutje.

Sistemi i ri i pikëve për PUBG Mobile Esports Pro Leagues (PMPL) season 2 dhe World League (PMWL), u njoftua gjatë eventit PMWL East Season Zero finals dje.

Sistemi i pikëve u zbulua fillimisht para katër ditësh për season 2 të PMPL Indonesia. Gjithsesi, më vonë u konfirmua se do të aplikohej për të gjitha Pro Leagues dhe World League. PUBG Mobile Club Open (PMCO) fall split, nga ana tjetër do të vazhdojë me sistemin e vjetër të pikëve.

Ky është sistemi i ri i pikëve në PUBG Mobile Esports:

• Vendi i parë: 15 pikë
• Vendi i dytë: 12 pikë
• Vendi i tretë: 10 pikë
• Vendi i katërt: 8 pikë
• Vendi i pestë: 6 pikë
• Vendi i gjashtë: 4 pikë
• Vendi i shtatë: 2 pikë
• Vendi i 8- 12: 1 pikë
• Vendi i 13-16: 0 pikë

Çdo kill do i shtojë lojtarëve nga një pikë.

Ndryshimi më i madh i këtij sistemi pikësh është se hapësira mes vendit të parë dhe të dytë është reduktuar në vetëm tre pikë. Në sistemin e vjetër ishte gjashtë pikë. Gjithashtu vendi i 13-16 nuk do të marrë më farë pikë. Dikur këto pozicione të jepnin nga një pikë.