PUBG Corporation, zhvilluesi pas PlayerUnknown’s Battlegrounds, ka njoftuar se fatkeqësisht nuk do e mbajë eventin e PUBG Global Series për këtë vit, për shkak të pandemisë së COVID-19. Gjithsesi, fansat dhe konkurentët e mundshëm do të kënaqen të dëgjojnë se ende do të ketë një seri kompeticionesh që do të mbahen dhe për një kauzë të mirë.
Në vend të PUBG Global Series, PUBG do të mbajë një event dixhital të PUBG Continental Series Charity Showdown, i cili do të fillojë në maj me evente shtesë mbarëbotërore që do të vazhdojnë përgjatë gushtit. Prize pool-i për eventet e kombinuara do të jetë $2.4 milionë. Rajonet që do i shohin këto kompeticione të vijnë në vendet e tyre përfshijë Azinë, Europën dhe Amerikën e Veriut.
Krahas faktit që fituesi i çdo rajoni do të fitojë $100,000, një $100,000 tjetër që do të shkojë për një bamirësi të përzgjedhur nga ai. Gjithashtu do të ketë kompensime të ofruara për lojtarët që u kualifikuan për në PUBG Global Series në Berlin, që u shty pa një afat të dytë.
Nuk është hera e parë kjo që PUBG ka ofruar sasi të konsiderueshme parash për një kauzë të mirë, pasi zhvilluesi së fundmi mblodhi fonde për lehtësimin e zjarreve masive në Australi.