Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Edhe këtë vit, Red Bull Solo Q është rikthyer përsëri në Shqipëri. Tournament-i 1v1 i lojës më të famshme të Riot, League of Legends, ka arritur në fazat finale. Top 16 lojtarët më të mirë do të konkurrojnë në finalet shqiptare për një vend dhe mundësi për të prezantuar vendin tonë në skenën ndërkombëtare, njësoj siç Gesi Dano ka bërë në të kaluarën.
Teksa 2021 ishte një vit ku lojtarët duhet të konkurronin direkt në Kualifikueset Globale, Shqipëria ka përsëri mundësinë për të mbledhur komunitetin e League of Legends dhe të tregojnë pasionin e tyre për lojën. Top 16 lojtarët e kualifikuar nga qindra regjistrime në FACEIT kanë shansin të konkurrojnë për një trofe special dhe vendin e parë në vend.
Ne mund të shohim lojtarë të vjetër të cilët janë rikthyer përsëri për të konkurruar për famë. Ky është një vit special për finalet pasi eventi do të rikthehet fizikisht ku do të mbahet tek Kinema Millennium në qendër të Tiranës. Nëse jeni një fans i League of Legends, atëherë nuk është se kemi çfarë t’iu themi për t’iu treguar se sa i rëndësishëm është ky event për të përmirësuar dhe rritur komunitetin e League of Legends në Shqipëri. Por ky event nuk do të jetë vetëm për fansat dhe lojtarët e League of Legends. Ky event do të jetë për çdo gamer ose person që është i interesuar në eventet sociale dhe argëtuese.
Kinema Millenium mirëpret deri në 250 shikues brenda por kjo nuk do të jetë gjithçka. Në pjesën e jashtme ju do të gjeni një vend argëtimi për ata që nuk duan të konkurrojnë ose shohin përballjet por thjesht duan të shijojnë kohën e tyre teksa bëjnë atë çfarë duan më shumë, të luajnë lojëra me miqtë e tyre. Falë Gjirafa50 kemi siguruar që kjo gjë të jetë e mundur gjatë asaj dite.
Shkurt fare, nëse doni të shikoni lojtarët më të mirë që vendi ynë ka për të ofruar me njerëz që shijojnë gaming teksa pini një kanaçe Red Bull dhe të keni mundësinë të krijoni miq të rinj dhe të fitoni disa giveaways, atëherë iu mirëpresim tek Kinema Millenium të shtunën më 2 korrik në orën 10:00.
Edhe pse eventi do të transmetohet live në Twitch, nuk ka ndjesi më të mirë se sa të jeni aty vetë dhe të shijoni momentin. Prandaj, ne iu ftojmë ju të vini dhe të shijoni këtë event teksa zbuloni surprizat që kemi për ju.
