Prize pool-i i The international kalon $35 milionë

Një rekord i ri është arritur

Sikur të paturit të prize pool-it më të madh në historinë e esports nuk mjaftonte, Battle Pass-i i The International 10 thjesht vazhdon të grumbullojë gjithmonë e më shumë, duke e çuar numrin përtej shifrës së $35 milionë.

Pasi theu rekordin gjatë TI9 me $34,330,069, në 26 gusht, Dota 2 tashmë mban top gjashtë vendet e para për çmimin më të madh brenda një kompeticioni esports. Kjo ka qenë konstante prej shtatë vitesh tashmë, teksa Battle Pass-i ka vazhduar të rritet vit pas viti, pas implementimit të mekanikës crowd-funding për TI3.

Përte kësaj, TI10 është rreth dhjetë ditë para rekordit të dikurshëm të TI9, pra është e mundur që të rritet edhe më shumë si prize pool.

Sipas prize pool tracker të Dota 2, Battle Pass-i i TI10 ka patur një ulje të mesatares së rritjes ditore se TI9 gjatë dy javëve të fundit, por duke qenë se ka ende content që po vjen, gjasat janë që kjo do të ndryshojë së shpejti.