Gjermania ka njoftuar një vizë të dedikuar për lojtarët dhe profesionistët e esports, që do të jetë e disponueshme në pranverën e 2020ës. Kjo vizë është pjesë e Skilled Immigration Act dhe e bënë më të lehtë për organizatorët e regjistruar në Gjermani të rekrutojnë më shumë lojtarë jashtë BE.
Që të kualifikohet për këtë vizë, lojtari duhet të jetë minimalisht 16 vjeç, të ketë fitime mbi një kuotë specifike dhe të ketë konfirmim që është një lojtar pro nga një organ qeveritar. Federata Gjermane e Esports thotë se do të vendosë një proçedurë të re për të ndihmuar organizatorë të tjerë të sjellin lojtarët e tyre.
“Përpjekiet tona përgjatë dy viteve të fundit më në fund na u shpërblyen,” u shpreh Hans Jagnow, presidenti i Federatës Gjermane të Esports. “Problemet me vizën në eventet esports të Gjermanisë tashmë do të jenë pjesë e të shkuarës. Kjo njohje nga qeveria gjermane është një sinjal i rëndësishëm në tematikën kombëtare dhe ndërkombëtare për esports.”
“Kërkesat për vizë në lojtarët pro të esports do të sinkronizohen në të gjitha kombet, për të lejuar hyrje më të thjeshtë në turnamente dhe liga për atletët e esports nga mbarë bora.”
Gjermania është vatra e shumë organizatave të esports, përfshirë këtu G2 Esports, Mousesports, BIG Clan etj. League of Legends European Championship për shembull, regjistrohet në një studio në Berlin.
Prezantimi i kësaj vize në pranverën e 2020ës do e bëjë shumë më të lehtë për organizatorët që duan të sjellin talente të reja në vendin e tyre, e gjitha teksa ekosistemi i esports forcohet në mbarë vendin.